Моето име е Македонија !
Презимето, македонка !
Со преврзани рани
од минатото
и со душа вдахната
кон иднината,
ќе отрчам среќна.
Песна македонска
и благородна,
низ планини
и рамнини да разлеам .
Кога погледнам назад,
знаме со крв од куршуми.
Кога погледнам напред
поетите пеат.
Пеат, во лоното на зборот!
За мракот тогашен
и светлината денешна.
За етното тркало
од Божјата рака,
кое се тркала
неуморно и македонски .
Мала грутка земја
си ти Македонијо,
со голема плодност.
Љубов се сее
по ливадите на срцата наши
и среќа се вее, што Ти постоиш!
Те сакам Македонијо!
Земјо историска,
со крв исплатена
и со неа,
во убаво име овековечена.
Име не се менува!
Моето име
ќе биде секогаш,
Македонија!
МИЛИЦА ПАУЛУС
