Македонска Нација
РЕПУБЛИЧКИ СЕКРЕТАРИЈАТ ЗА ВНАТРЕШНИ РАБОТИ
УПРАВА НА СЛУЖБАТА ЗА ДРЖАВНА БЕЗБЕДНОСТ
ИСПОСТАВА: “КАРПОШ”
ИЗВОР: “Раско”
ОП.РАБОТНИК: С.Аврамовски
Отчукано во 4 примероци
Евид. број 09-5/422
12.06.1990 година
Скопје
ЛИНИЈА: МНС
ЛИЦА: – ПО “Лисиче”;
– Георгиевски Љупчо – безбедносно интересен по МНС;
– ОО “Рашомон”
СЛУЖБЕНА БЕЛЕШКА
I – На 04.06. о.г. беше остварен контакт со изворот по негова иницијатива во неговите работни простории. Сознанијата се презентирани во усмена форма.
II – Разговорот имаше за цел добивање безбедносно интересни сознанија во врска со ПО “Лисиче”.
III – Добиени сознанија:
Изворот информира дека на 04.06. о.г. во ресторанот “Метропол” по претходен договор остварил контакт со Змејковски Борис (ПО “Лисиче” н.з.) и Георгиевски Љупчо (безбедносно интересен по МНС, врска на ОО “Рашомон” н.з.). Во таа прилика истите го запознале дека минатата недела во Минхен одржале состанок со претставници на македонските организации од Австралија, СР Германија и Шведска заради конкретизирање на активностите сврзани со формирањето на “ВМРО-Демократска партија за македонскто национално единство”. Инаку, на состанокот присуствувал и Драган Богдановски (ОО “Рашомон” н.з.), при што било договорено веднаш по формирањето на партијата во Скопје на 17.06. о.г. во Домот на младите “25 Мај” (кога ќе се одржело основачко собрание) да се пристапи кон формирање на ограноци во овие земји кои и ќе ја финансирале работата на партијата во Скопје.
Од разговорот изворот констатирал дека главен носител на активностите за формирање на партија бил Георгиевски Љупчо кој според него е далеку поекстремен од Змејковски. Меѓудругото на изворот во разговорот му било понудено и тој да биде член на раководството на партијата, меѓутоа истиот со образложение дека имал професионални обврски до 01.09. о.г. во РК ССММ не ќе можел да ја прифати нивната покана, но ќе им помогнел околу основањето на партијата.
Змејковски исто тка го запознал изврот доколку остане без работа професионално да го вработи во партијата, кажувајќи му дека располагале со фонд на пари во висина од 40.000 долари и планирале за потребите на партијата да купат и автомобил.
Исто така, му било понудено по формирањето на партијата во Скопје, заедно со Змејковски и Георгиевски да присуствуваат на формирањето на партиите во СРГ, Австралија, САД и др. места, кое нешто изворот во начело го прифатил.
Во врска со првата точка од прогласот во кој се повикува на територијално обединување на Македонија, изворот им сугерирал да се корегира таквата формулација бидејќи во сегашни услови истото е неостварливо, по што Змејковски истакнал “доста спиевме” на крајот уважувајќи ја сугестијата на изворот.
IV – Оперативен коментар:
Сознанијата презентирани од изворот ги сметаме за точни и безбедносно интересни.
Изворот за контактите со ПО “Лисиче” на претходниот контакт беше инструиран на планот на продлабочување на сознанијата во врска со формирањето на партијата, како и неговите контакти со ОО “Рашомон”, кое нешто цениме дека со успех го реализирал.
Од сознанијава евидентна е поврзаноста на ПО “Лисиче” и Георгиевски Љупчо со ОО “Рашомон” и ОО “Отиња”, кои најверојатно ценејќи ја содржината на прогласот се се идејни водачи и иницијатори за формирањето на партијата во Скопје.
Во врска со сознанието за состанокот одржан во Минхен, ќе бидат превземени мерки за продлабочување и конкретизирање на сознанијата, со посебен акцент на осознавање и на другите лица кои биле присутни на истиот.
Со оглед да во програмата на партијата е присутен и сепаратизам, поврзаноста на “Лисиче” и Георгиевски со лица експонирани по линија на МНС (ОО “Рашомон” и ОО “Отиња”), како и можноста на изворот целосно да се вклучи во активностите на партијата, истиот е инструиран на планот на продлабочување на сознанијава, со акцент на следење и целосно осознавање на позадината на поврзаноста, влијанието и уделот на “Рашомон” и “Отиња” во нејзиното формирање.
Бидејќи изворот ги исполнува објективните и субјективните услови за ангажирање во активната соработничка мрежа на СДБ, за таа цел ќе биде изготвен предлог, кое нешто е договорено со линијата по МНС во УСДБ Скопје.
ОПЕРАТИВЕН РАБОТНИК
С.Аврамовски
(Своерачен потпис)
