Започнува Движењето #Ние сме Македонија, како продолжение на За заедничка Македонија.
„Поагајќи од нашите искуства во државите каде што живееме, забележуваме дека барањата на албанското малцинство стануваат се поапсурдни.
Политичката елита водејќи се од своите лични и партиски интереси не е веќе во состојба да ги брани и зачува интересите на Република Македонија. Двете национални партии почнаа да се натпреваруваат кој на кој повеќе ќе дозволи да не гази и угнетува.
Ние македонците сме загрижени за опстанокот на нашата држава и нашиот идентитет. Се обидуваат да ни ја поништат историјата, нашето постоење.
Свесни сме дека македонскиот народ е изморен, омаловажен, доведен на работ на егзистенција и нема доволно сила да се бори повеќе.
За тоа, мора да признаете дека доста допринесоа и некои медиуми, намерно или случајно. Секојдневно се пишува за промената на името како тоа да е веќе завршена работа.
Се лаже македонскиот народ дека со промена на името Р. Македонија ќе влезе во НАТО и ЕУ, а сите сте свесни дека тоа нема да се случи, особено не во ЕУ.
Се лаже народот дека влегувањето во тие организации ќе донесе благосостојба, а веројатно сте свесни дека и ова не е точно. Македонија веќе има пристап до европскиот пазар, а доколку се случи да влезе во ЕУ, ќе земе повеќе обврски отколку права, кои во вакви моменти тешко ќе може да ги исполнува, а секако ЕУ е свесна за тоа. Оттука влегувањето во ЕУ за долго време ќе биде одложено, дури и со евентуална промена на името, кое со сите расположливи средства ќе се потрудиме да го спречиме.
Република Македонија е изложена на потсмев.
Нашите барања се јасни и децидни:
1.Стоп на преговорите за името;
2.Стоп на донесување на законот за двојазичнст;
3.Поништување на сите договори и закони донесени од оваа нелегитимна влада;
4.Попис на населението;
5.Предвремени парламентарни избори;
Ние македонците нема да застанеме овде. Сите кршења на Уставот и законите на Република Македонија што се вршат во овој момент ќе бидат сигнализирани во меѓународните институции и ќе се врши постојан притисок на меѓународната јавност.
Немојте да мислите дека овие дивеења ќе останат неказнети.
Нашиот протест беше симболично одржан токму на денот на Холокаустот.
Еми Вајзел, добитник на Нобеловата награда за мир во 1986 година напиша: “Спротивно на љубовта не е омразата, тоа е рамнодушностa. Спротивно на уметноста не е грдотија, тоа е рамнодушноста. Спротивно на верата не е ерес, тоа е рамнодушност. И спротивното од животот не е смртта, тоа е рамнодушноста”.
Ние нема да го оставиме светот рамнодушен.
И уште една изрека од концентрационите логори:
“Оние кои не се сеќаваат на минатото се осудени да го повторат”.
Ние нема да дозволиме општа амнезија. Постојано ќе повторуваме што ни се случувало во минатото, и што се случува денес.
Ќе продолжиме со протести, со писма, со барања и притисоци во цел свет.
Нема да дозволиме човештвото да се здобие со уште една црна дамка како Холокаустот.
Нема да дозволиме бришење на еден идентитет, особено кога се работи за нашиот.“
Македонско здружение КАМЕН МОСТ, Канели, Италија
