Жаклина Михајлова
На протестот присуствува околу 5000 преставници на македонските заедници од Канбера, Квинбијан, Сиднеј, Мелбурн, Перт, Волонгонг, Њукастел, Аделаид и од други градови во Австралија.
Македонците сите заедно, сложно, гласно и јасно порачаа дека треба да се прекине со разнебитувањето на Македонија, на македонскиот јазик и македонскиот идентитет.
„Денеска сме собрани овде,пред Амбасадата на Република Македонија во Канбера, Австралија, за да го покажеме нашето заедништво и единство, нашата цврстина како Македонци, со единствена цел- да ги промовираме интересите на Македонците, да се изјасниме за нашите човекови права, овде сме за да бидеме чуени, да се чуе нашиот глас!“, истакнаа водителите на програмата Стивен Каранфиловски и Жаклина Михајлова.
На собирот говореа: Стивен Каранфиловски, Жаклина Михајлова, Елизабета Богдановска, Петре Крстевски, Сузана Митева, Жарко Петрески и Роза Томеска.
Од собирот беше испратена Декларација до Претседателот на Република Македонија, до пратениците во Парламентот во Македонија и до Владата на Република Македонија. Преставници на македонската заедница го посетија Амбасадорот на Македонија во Австралија, Господинот Веле Трпевски и му ја предадоа Декларацијата,која тој, официјално, по дипломатски пат ќе ја проследи во Македонија.
Во Декларацијата македонската заедница од Австралија, детално беа поставени барања до Претседателот, Собранието и Владата на Македонија, со кои, меѓу другото, се бара безусловно да се прекинат разговорите и преговорите за името на државата, да се отфрли законот за употреба на јазиците, со кој што се редефинира унитарноста и државноста на Македонија, да се ослободат од затвор и притвор сите осудени од случувањата на 27 април 2017, да се укине притворот за Едмонд Темелко, градоначалник на Општина Пустец. Македонците од Австралија, побараа македонските епископи да го повлечат барањето за прифаќање на Бугарската црква за мајка црква, зашто тоа е не канонско и е антиисториско.
„ Ние, Македонците во Австралија, ќе ги користиме сите дозволиви средства, секогаш, секаде и пред секого, за одбрана на името на државата и идентитетот на нацијата!“ , потенцираа македонците во Декларацијата испратена од овој протест.
На собирот беше најавено дека следниот голем протест, како дел од светскиот протест на Македонците, ќе се одржи во Сиднеј, на 4-ти март. Тој ден ќе се одржат истовремено протести во поголемите градови во светот !
Се очекува на улиците во центарот на Сиднеј да масовно да излезат Македонците, кои ќе го дигнат својот глас за своите елементарни човечки права! Бидете и вие дел од овој Протест!
