Успешна традиција
Во организација на Македонскиот Просветно Училишен Одбор на НЈВ, во Сиднеј по единаесети пат се одржа Натпреварот по рецитирање на македонски јазик за учениците од основните училишта. И оваа година, традиционално, домаќин беше Основното училиште во Карлтон.
Голем број ученици од македонско потекло рецитираа на чист македонски јазик. Одлично подготвени учениците се трудеа што поубаво да ја изрецитираат својата стихотворба.
Рецитирањето е древна македонска вештина, која се негува во училиштата на македонски јазик во НЈВ. Оваа вештина им овозможува на учениците да ја зголемат својата самодоверба, својата меморија или помнењето, а истовремено и да го надминат стравот од зборување пред други луѓе.
Сите ученици заслужуваат пофалба за вложениот труд, честитки и до вредните учители кои ги подготвија учениците, а особена пофалба заслужуваат грижливите родители кои најдоа време и во сабота ги донесоа децата на Натпреварот.
Жири комисијата во состав проф. д-р Ирена Чолакова Велјанова, проф. Славица Ристеска и почесниот претседател на МПУО господинот Тоде Кабровски, потврдија дека сите деца заслужуваат пофалба за својот труд , но одлучија оваа година наградите да ги добијат:
Од забавиште
Леона Јанкова од Carlton PS
Stage 1( 6-8 god)
1.Вера Наумовска од „Kliment Ohridski” Rockdale
1.Алекс Николоски од MEU „Nikola Karev “ Bonnyrigg
2.Ивана Ферманова од „Kliment Ohridski” Rockdale
3. Клои Петровска од Carlton PS
3.Александар Христовски од Carlton PS
Stage 2: ( од 8-10год)
1. Јустинијан Велковски од МЕОU „11-ti Оktomvri” Yagoona
2. Ивана Велевска од MEU „Filip II“ Peakhurst West
3. Пејтон Трајковска од „ Kliment Ohridski” Rockdale
Stage 3 (од 11-13 год)
1. Христијан Василевски од MEU „Filip II“ Peakhurst West
2. Мартина Ѓергис од Carlton PS
3. Никита Кимовски од „Kliment Ohridski” Rockdale
Текст: Жаклина Михајлова -Учителката
