Обединетата македонска дијаспора (ОМД) остро ја демантира изјавата на Бугарската академија на науките дека македонскиот јазик не постои.
Членовите на бугарската академија забележаа дека македонскиот јазик е резултат на политичка конструкција, а не на органски јазичен развој. Како резултат, тие тврдеа дека македонскиот јазик не е ништо друго освен „бугарски јазик испишан на српска машина за пишување“.
Оваа контроверзна и навредлива изјава е уште еден додаток на долгата линија на понижувачки изјави што го негираат постоење на македонската националност и симболи. Во текот на изминатите децении, а особено од 2017 година, соседите на Македонија започнаа заеднички напор за поткопување на македонската националност преку условување на Европската унија (ЕУ) и членството во НАТО со откажување од тврдењата за македонски идентитет.
Најновата во низата на антидемократски напади, изјавата на Бугарската академија на науките ја отсликува моменталната бугарска политика за негирање на постоењето на единствен македонски јазик. Крајната цел на оваа политика е да се спречи Македонија да има официјален јазик признат во рамките на ЕУ, штом земјата ќе се приклучи на Унијата.
Со оглед на леснотијата со која македонското раководство се предаде на малтретирање од страна на нашите соседи, не би било изненадувачки официјални лица во Скопје да го игнорираат овој скандал.
Како и да е, ОМД ги повикува македонските власти да го осудат овој недоличен чин на Бугарија и да заземат јасен и едногласен став во одбрана на Македонија и нашиот јазик. Покрај тоа, ОМД ја повикува ЕУ да протестира против изјавата на Бугарите, бидејќи негирањето на јазик ја крши нејзината долгогодишна јазична политика.
