Македонската заедница во Торонто, под покровителство на македонската црква и македонското патриотско радио Обединета Македонија, во организација на Зоран Карапанчев, Драгица и Мицко Димовски организираа циклус предавања за јакнење на националната свест, идентитет и ширење на вистината за Македонија. Во македонската православна црка Св. Климент Охридски-Торонто, почна серијалот предавања и беседења за Македонија. Честа прва да ги започне беседите за Македонија и припаднаа на Симона Ковалаковски-политолог и новинар, некогашен новинар во МТВ и уредник во ТВ Сонце. Ковалаковски на мошне инвентивен начин со интеракција на присутните отвори многу прашања поврзани за културата, идентитетот , политиката и постоењето на Македонија во античко време. Споредувајки повеке домашни и меѓународни извори таа истакна дека образованието има клучна улога во јакнењето на националната свест и градењето стратегија за силен идентитет.
-Никој нема апсолутно право и екслузивност врз придобивките на една цивилизација и култура. Ако тргнеме и од приказната за Александар Македонски јасно го препознаваме тоа гледиште. Самиот тој создавајки империја на братски народи не наметнувајќи уникатна култура , напротив сметал дека културата е посебност која се почитува, не се наметнува, ами се збогатува низ влијанијата на останатите култури. Неговата визија очигледно на современ начин може да се прочита и во создавањето и делувањето на ЕУ денес.
Колку повеке учиме за Македонија, толку повеќе стануваме свесни за сопствениот идентитет, национална свест и значението на културнто наследство. Оттаму, истакнува Ковалаковски, предвидени се серија предавања и беседи за Македонија во античкиот период, среден век, Византија, во османлискиот период, меѓу двете светски војни и современиот период.
Канада е мултикултурна и мултиетничка земја во која се почитува сечиј интегритет, идентитет и култура. Прекрасен модел во кој се почитуваат сите религии и каде навистина се чувствува дијалогот меѓу религиите и културите. Овде секој има извонредна можност да го реализира својот сон. Да го добие вистинското место според едукацијата, афинитетите и квалификациите.
-Бев пресреќна кога влегов во црквата Св. Климент која беше полна како око. Македонците во Канада се свесни за својот идентитет и корени . Тие со себе ги носеа и своите деца и своите внуци кои црквата ја доживуваат како матица која ги обединува и место каде бликаат извори за нашето постоење. Мост со нашите најблиски, со Македонија!
Во овој серијал предвидени се предавања за византиските браќа Кирил и Методиј, Св Климент , охридската книжевна школа, значење на иконите и нивна заштита, современи културни дејци итн.
Користејќи ги контактите и своето медиумско искуство Симона Ковалаковски се труди преку предавањата и електронските медиуми да ја шири вистината за Македонија.
