Обединетата Македонска Дијаспора (ОМД) со задоволство најавува дека добротворниот настан, трката Ајвар 5К, поради големата заинтересираност, оваа година по втор пат ќе се одржи во Вашингтон и за прв пат оваа година на две други локации во Њу Јорк и Ен Арбор во Мичиген. Сите три трки по повод 22 годишнината од осамостојувањето на Македонија ќе бидат одржани во Недела на 8-ми Септември 2013.
Завршувањето на трката на сите локации ќе биде одбележана со попладневен пикник, музика, оро и добра дружба! За да се регистрирате за трката стиснете ТУКА.
Средствата собрани од сите три трки ќе бидат донирани на Домот за деца без родители 11-ти Октомври во Скопје во кој нови подови, теписи, шкафови и многу други работи се повеќе од потребни. Во зависност од тоа колкав ќе биде бројот на донирани средства се надеваме дека ќе бидеме во ситуација да пружиме помош во форма на формула пелени и други потребни работи на Домот за доенчиња и мали деца во Битола. Вашата помош и поддршка е повеќе од потребна.
Трката во Ен Арбор во Мичиген под наслов МК Ајвар 5К трка за различност е организирана од страна на Македонско-Американската Студентска Асоциација (МАСА) при Универзитетот во Мичиген и дел од средствата ќе бидат донирани на локалната асоциација Роналд Мек Доналд за деца на кои им е потребна помош.
Благодарејќи на дарежливоста и великодушноста на многубројните пријатели, од различни националности, заедно со Обединетите Македонски Американци од Детроит минатата година, успеавме да го обезбедиме домот за деца без родители 11-ти Октомври со 25 нови крветчиња и душеци за децата во истиот. Во партнерство со Pencils 4 Kids International, основана од страна на Амбасадорката Љубица Ачевска член на советот на ОМД, обезбедивме школски прибор и матеијали за децата во домот. Проследете го краткото видео од минатогодишното доделување на донацијата ТУКА. А сликите од истиот настан можете да ги погледнете ТУКА.
При завршувањето на трката секој тркач ќе добие мајца и тегла од најпознатит Македонски специјалитет Ајвар (тркачите од Ен Арбор не добиваат мајца). На прво пласитаните по завршувањето на трката ќе им бидат доделени и награди, а исто така ќе има наградно извлекувањеобезбедено од нашите спонзори.
Се надеваме дека ќе ни се придружите на еден од локациите на организиранате трки во Вашингтон, Њу Јорк или Ен Арбор во Мичиген и ќе бидете дел од прославата на 22 годишнината од Денот на Независноста на Македонија.
Заинтересираните за подетални информации за учество на трката Ајвар 5К во Вашингтон, Њу Јорк и Ен Арбор како и за донирање можат да го проследат линкотна: http://www.ajvar5k.com/index.html#.Ug_02ZJJOAY
