Македонска нација

Книгата останува да сведочи за едно време, за ликови, за настани, за желби. Книгата е верен и тивок пријател на човекот.

Па така и објавувањето на литературни дела, научни трудови, поезија, раскази, се дел од неуморната работа на нашите иселеници - писатели во Австралија. Тоа е уште еден знак дека нашето исконско и вредно обележје – македонскиот јазик останува да живее во делата на нашите поети, писатели, научници, новинари кои со децении творат надвор од својата родна земја. Токму во тие нивни дела е вткаена македонската историја, македонската култура, традиција, копнежот по родниот крај, вистинските приказни за македонскиот човек во минатото и денес.

На посебен начин, инспиративни и со многу емоции неуморно пишуваат и оставаат светли траги по кои ќе чекорат идните генерации.

Познатата мисла на Димитар Миладинов “Јас го посеав семето, а вие бидете живи да го ожнеете неговиот плод“ ги поттикна македонските творци во Мелбурн да формираат литературна асоцијација во далечната 1987 година. Минатата 2014 година ова литературно друштво повторно се возобнови и започна со низа активности на полето на културата и литературата. Со тоа на големо допринесуваат во промовирање на македонскиот јазик и борбата за негово зачувување во австралиските училишта. Нивната цел е и да се промовира македонската литература кај Македонците од сите возрасти.

Литературното друштво “Григор Прличев“ од Сиднеј кое веќе постои повеќе од 35 години секоја година распишува литературен конкурс за раскази и песни, за деца и возрасни.

Жири комисијата во состав на Силвана Трајковска (претседател), Наташа Котевска и Мери Петковска ја донесе својата одлука за прогласување на најдобрите дела од традиционалниот награден конкурс за Прличева награда за 2014 година во организација на Македонското литературно друштво „Григор Прличев“.

За сите категории на конкурсот пристигнаа 40 дела од кои се избраа следни дела како најдобри на кои ќе им се доделат награди:

Најдобра поетска творба на годината за возрасни:

1- ва награда: „Книга“, шифра бр. 10, од Марија Александрова

2- ра награда: „Живот“, шифра Axius

3- та награда: „Мајка“, шифра Анабел

Најдобра поетска творба на годината за деца:

1-ва награда: „Роденденска“, шифра Кристофер

Најдобар расказ на годината за возрасни:

1-ва награда: „Старо училиште“, шифра Цветови, од Гордана Димовска

2-ра награда: „Селото на мајка ми“, шифра Мојата вселена