Жаклина Михајлова

Во организација на Редакцијата на Македонскиот Телефонски Именик, на 8-ми мај, во свечената сала “Conca D’Oro”, во Сиднеј, по 22-ри пат се одржа традиционалната вечер  на македонските бизнисмени и професионалци , наречена “ Македонска трпеза“.  Покрај многубројните гости, присутен на вечерата беше и Амбасадорот на Република Македонија во Австралија Господинот Веле Трпевски, како и генералниот конзул на Република Македонија во Мелбурн, Госпоѓата Бети Коруновска и пратеникот во Општината Рокдаел, Господинот Николас Мицковски.

Вечерта, Редакцијата на Македонскиот Телефонски Именик ги додели највисоките признанија “ Македонско сонце“, за најдобри достигнувања во 2014 година.

Од областа на бизнисот наградата “ Македонско сонце “ за 2014 година, за натпросечни деловни резултати ја добија Господата Жарко и Игор Цветкоски, сопственици на Компанијата , MKD Transcorp од Сиднеј. Покрај нив номинирани за оваа висока награда беа: Господинот Николас Црковски,

сопственик на Компанијата "PROLINE" Civil, Plumbing & Drainage од Сиднеј, и Господата Аница и Николај Георгиевски

, сопственици на "GALA CATERING" од Сиднеј.

 “Македонското сонце“ за најдобри достигнувања во општествените дејности, образованието, културата и спортот, во 2014 година, го доби Мајкл Дамески, за  културна дејност, а номинирани за ова признание беа и Македонското Етничко Училиште „Филип Втори“ од Сиднеј, за просветно - образовна дејност и МКУД „Македонка“ од Сиднеј, за културна дејност .

Наградата за животно дело ја доби Господинот Бранко Наумовски од Сиднеј.

 Забавата помина во пријатна и весела македонска атмосвера. Присутните ги забавуваа музичката група “Мода“ и танчерката Магда Божиновска.

Македонскиот Телефонски Именик е книга за секој дом. Тоа е најиздавана македонска публикација во дијаспората. Македонскиот Телефонски Именик е гордост на македонската заедница во Австралија. Редакцијата на Македонскиот Телефонски Именик на сите Македонци им се заблагодарува на довербата со желби за понатамошна успешна соработка.