|
|
| Илинденски поетски мегдан во Сиднеј |
|
По повод македонскиот национален празник Илинден, на 31 јули во просториите на македонската библиотека „Григор Прличев“ во Сиднеј, под организација на Литературното друштво „Григор Прличев“ успешно се одржа поетската средба: Илинденски поетски мегдан.
На Мегданот присуствуваа околу триесет посетители – љубители на поетскиот збор кои достоинствено им искажаа почит на сите оние Илинденци кои за двата Илиндени ги дадоа своите животи, и на сите оние кои се боре, за ослободување, обединување и независност на Македонците за формирање на своја држава. Со своја поезија посветена на Илинден и Илинденци со поезија настапија: гостите од Шведска, дописните членови на Друштвото, Лилјана Стоилковска-Андовска, Борис Андовски; поетите од Сиднеј: Иван Трпоски, Димче Џајкоски, Перо Дамчевски, Душан Ристевски, Бранко Наумовски, Спасија Огненовска и Жаклина Михајлова. Душан Ристевски |
