|
|
| Престижна награда за филм на учениците од Основното училиште „Карлтон“ |
|
Учениците од основното училиште ,,Карлтон” се добитници на Наградата „Скрипт мобил“, на познатиот меѓународен филмски фестивал „Скрипт Фест 2015“ што се одржа во Скопје. Секоја година организаторите на Фестивалот добиваат филмови од повеќе земји во светот кои се во конкуренција за награди, но оваа година тие беа воодушевени од краткиот филм со наслов ,,Оправдување.ком”, кој што беше изработен од учениците од основното училиште ,,Карлтон”. Учениците од Карлтон, на часовите по македонски јазик го напишаа и снимија краткиот филм. „ Секоја година, по традиција, снимаме краток игран филм. Учениците во филмот зборуваат на македонски јазик, а учествуваат и во сите етапи за снимање на филм“, ни појасни учителката Жаклина Михајлова. „Снимањето филм на часовите по македонски јазик е традиција, но и задоволство за учениците“. Им честитаме! Жаклина Михајловска |
