Со оснивачко собрание на коешто присуствуваа над 150 делегати од Суботица до Врање, во хотелот Москва во Белград е формирана нова, втора по ред, Партија на Македонците во Србија.

Почитувајќи го Законот, со собрани над 1.000 потписи, новата Партија на Македонците во Србија деновиве ќе се регистрира како нова партија на македонското малцинство во Србија.

За претседател на партијата е избран г-дин Горан Илијевски, од Нови Сад.

- Бевме принудени во ова време да формираме една Партија на македонци, една нова снага, затоа што до сега македонскиот етикум не беше застапен во извршните органи на власта во Република Србија, изјави претседателот на новоформираната партија.

Со тоа, на претстојните избори во Република Србија во месец април, оваа година, на новоформираната Партија на Македонците во Србија ќе ѝ даде можност да се вклучи во трката, а со тоа и да добие свои претставници на различни нивоа во власта.