ФОТО: Едмонд Темелко деновиве е следен од мерцедес со скопски ознаки!

Голготата на единствениот македонски градоначалник во Република Албанија, Едмонд Темелко никако да престане, откако тој без никаква основа беше приведен, деновиве непознати лица започнале и да го следат.

Како што вели Темелко деновиве тој е следен од две возила, едно со скопски, а друго со ресенски регистарски таблички.

-Вчера и денеска ме пратат две возила. Едното црвено возило, марка мерцедес со скопски регистарски ознаки, а другото возило, црн голф со ресенски регистарски ознаки. Од возилата успеав да го фотографирам само мерцедесот, кој од вчера со уште еден голф се постојано околу мојот стан, а незнам која им е целта, а фамилијата ми е многу вознемирена, вели градоначалникот, Едмонд Темелко.

Инаку, претходно Едмонд Темелко без никаков основ беше приведен од страна на полицијата, по што и судот го потврди тоа и донесе одлука во корист на единствениот македонски градоначалник во Република Албанија.