|
|
| Во Тирана наскоро месечник на македонски јазик |
 Наскоро Македонците во Тирана ќе добијат месечен весник на македонски јазик, под името „Илинден“. Месечникот ќе се печати на 28 страници, А-4 формат, во тираж од 1.000 примероци, а издавач на месечникот е Македонското друштво „Илинден“ од Тирана. Покрај месечникот „Преспа“ на македонски јазик кој години наназад излегува во областа Мала Преспа, ова ќе биде втор печатен медиум на македонски јазик за Македонците во Тирана, Голо Брдо и Гора. - Владее голем интерес кај Македонците во Тирана за печатен медиум. Оттука и нашата решеност да се зафатиме со овој предизвик и информативниот простор во Албанија го пополниме со уште еден печатен месечник на македонски јазик под името „Илинден“. Се надеваме дека ќе изобилува со информативни содржини од животот, работата и положбата на Македонците во главниот град на Република Албанија, Тирана, како и во областите Голо Брдо и Гора, - изјави претседателот на Македонското друштво „Илинден“ од Тирана, Никола Ѓурѓај. |
