За тоа дека поедини личности-видни функционери на ОН и ЕУ кои на извесен начин биле вмешани за промена на уставното име на Македонија, ќе се послужиме со некои пишувања на познати македонски новинари, кои најсовесно си ја вршат својата професија.

Во  „Дневник“ на 17 јули 2013 година, напис од Цветин Чилиманов, македонски новинар на  МИА од Вашингтон, пишува за еден од тие случаи, во статијата под наслов: „Ла Ру: Не ги селектирав медиумите при посетата на Македонија“. Г-дин Чилиманов, познат на македонската јавност, при средбата на Барак Обама со Андонис Самарас во Вашингтон на 9 август 2013, кој што беше следен, потуркуван и спречен од страна на обезбедувањето на грчкиот Премиер Самарас да постави прашање во врска со името (гркоман од македонско потекло-јаничар и маша на поединци влијателни антимакедонски настроени функционери во ОН, НАТО и ЕУ), кој Чилиманов притоа јавно им изјави: „Не се плашам од вас“.

Тоа ме натера, моите поранешни сомневања да ги истакнам за “исправноста” на сопружниците Хилари и Бил Клинтон, по одност на избегнувањето на посетата на нашата држава, кога го посетувале Балканот и кога го избегнувале изговарањето на името Македонци, Македонски и Република Македонија и кога за време на нивното владеење со САД изјавувале: „Вие држете се до Бугарија“!

Постојат неколку примероци на дел од неадекватна загрижувачка активност на видни функционери и нивни поедини претставници на кабинети, во поедини важни институции на ОН, ЕУ и НАТО, кои потклекнуваат при вршење на своите исправни активности за кои се избрани, а на штета на спроведувањето на демократскиот поредок во поранешните Југословенски - комунистички земји. Ќе наведам некои примери, за да имаме на увид дека наведените Светски организации, преку поедини нивни институции, односно лидери, не ги вршат своите моралн обврски, поради лични интереси или недоволно познавање и непочитување на Меѓународното право!

Да се вратиме на темата за која Чилеманов пронашол податоци.

Се работи за Френк Ла Ру, специјален известувач на Обединетите нации за СЛОБОДА НА ИЗРАЗУВАЊЕ, што имал матична организација  во Гватемала, која примала средства од глобалната мрежа ИНСТИТУТОТ „ОТВОРЕНО ОПШТЕСТВО“ на Џорџ Сорос. Во „Дневник“ се вели дека тој рекол, дека при посета на Македонија, се сретнал со македонскиот огранок. Познато е дека  македеонскиот разгранок (огранок) на СОРОС е поврзан со медиумите на опозиционата СДСМ, која по секоја цена настојува да дојде на власт во Република Македонија.

Авторот Чилиманов пишува: „Како што „Дневник“ објави по посетата на Ла Ру на Македонија, неговата соработка  со Институтот на Сорос веќе била критикувана во американските медиум, поради сомнеж дека институтот ја финансирал работата на Центарот за правна акција за човекови права, невладина организација од Гватемала формирана од страна на Ла Ру, а за возврат, тој промовира ставови блиски до институтот“. Тоа е многу добар знак од американскиот медиум кој е полн со интелектуалци, а имаат влијание и од администрацијата на Барак Обама!

Невладини организации кои биле поврзани со македонскиот огранок на институтот, најмногу пари добивале од меѓународните организации, кои финансирале проекти поврзани со состојбата на медиумите во Македонија. Значи работата е јасна. Огранокот на македонскиот институтот „Отворено Општество“ на Џорџ Сорос, јавно работел за нечесни цели на СДСМ, поткопувајки ја демократската активност на актуелната влада на Република Македонија и наведувајќи ги жителите на Македонија, дека наводно требало да се смени уставното име на Македонија, како услов за зачленување во ЕУ и НАТО!

Ла Ру имал Кабинет во Женева, која соработувала  со канцеларијата во Скопје на УНДП, а која била канцеларија на Обединетите Нации. За да ја покаже својата “добра” активност, во „Дневник“ од 17 јули 2013, ќе прочитаме наслов: „Ла Ру: Ќе ја пофалам Македонија за лустрацијата“.

Од  оваа статија на „Дневник“ ќе ја искористиме  следната реченица за подетално прикажување на неговата пофалба: „Експертот на ОН со високи оценки за лустрацијата во Македонија, најави дека отварањето на кодошките досијеа ќе го наведе како позитивен пример во својот следен извештај пред ОН“.

Уште една свежа грешка на Меѓународната Заедница е поставувањето на Младенов, бивш министер во владата на поранешниот премиер на Бугарија Бојко Борисов, за специјален претставник на Обединетите нации за Ирак!?

Во „Дневник“ од 9 август 2013 во насловот: „Како Бугарија ја засака Грција  контра Македонија – Бугарски СОРОС заслужен за слугувањето на Софија кон Атина“.

Бугарската фондација “Отворено Општество” кое има такви слични ограноци во светот, а секако и во Република Македонија, како “невладина” организација, активно била вклучена и во антивладините протести во Софија. Тие го заштитувале поранешниот премиер на Бугарија, Бојко Борисов. Во тоа биле поврзани поранешниот министер за надворешни работи на Бугарија, Николај Младенов и историчарот Димитар Бечев, кои биле поврзани со фондацијата СОРОС. Еден од познатите организатори на протестите се вика  Асен Генов, член на ГЕРБ на Борисов, поврзан со „Отворено Општество“. Пишувал на веб-страницата на бугарски јазик на www.alternine, ormantion.worldpress.com. Понатаму, авторот на текстот за „Дневник“, Лепа Георгиева пишува: „Во истиот текст се додава дека СОРОС има можност да финансира цел воен конфликт и за него не е некаков проблем да ги превземе протестите за да ги постигне своите цели“.

„Младенов пренесувал пари на СОРОС преку граница“. Кога Младенов бил министер од 2010-2013 година во владата на Бојко Борисов, кога исто така бил и европратеник и по се` изгледа, а дај Боже да не е тоно, тој за својата лојалност кон антимакдонските работи, на 2 август  2013 бил назначен за специјален претставник на Обединетите Нации за Ирак!? Младенов бил основач на бугарското „Отворено Општество“, кој во деновите на владеењето на српскиот диктатор Милошевиќ, му носел торби со пари да ги исплаќа своите министри, кои немале исплатено плати, кои пари биле на СОРОС!

Обединетите нации треба да вршат постојана контрола на своите избраници, особено на тие кои не си ја вршат својата активност правилно. Европската Унија, ако има прави демократи кои заслужуваат искрена почит од народот, треба посериозно да пристапат на одбирањето на нови високи раководни кадри за европарламентот на изборите во 2014 година.

Јанко ТОМОВ