Јанко ТОМОВ

Специјален АПЕЛ до сите етнички Македонци, државјани на РМ, а живеат  во дијаспората, да излезат што помасовно на изборите, како запретседателските така и за вонредните Парламентарни избори на Република Македонија. Изборите ќе се одржат во три изборни единици во 47 изборни места, во македонските дипломатски конзуларни претставништва во дијаспората на 12 и 27 Април 2014 година.

Во врска со Претседателските и Парламентарните  избори  во РМ, за масовна излезност во дијаспората се замолуваат сите подржувачи, симпатизари и членства на Обединетата Македонска Дијаспора (ОМД) под раководство на Мето Колоски, Австралиско Македонскиот Комитет за Човекови Права (АМКЧП) под раководство на Георге Влахов, Интернационалната Македонска Организација за Човекови Права под водство на Бил Николов, Организацијата “Обединети Македонци”, лидери и управи на Македонски Православни Црковни Општини со нивнитеспортски, фолклорни, рекреативни, пензионерски и патриотски друштва и други македонски заедници, кои го претставуваат македонското иселеништво по државите на федерациите и на државите во САД, Европа, Канада и Австралија, разни Македонски Асоцијации, како Културно-просветната Македонска Асоцијација “Григор Прличев” од Австралија, под водство на  популарниот автор на драмски дела и поезии Душан Ристевски, исто така и слични македонски организирани субјекти, Здруженија за изучување на Македонскиот литературен јазик, како што е под водство на Жаклина Михајловска-учителката од Австралијаи други.

Првенствено гласовите од Македонците во дијаспоратаќе бидат од голема помош за кандидатот за Претседател на Република Македонија предложен од политичката партија која има најдобри програми и услови за нивно реализирање, пред се` да се задржи уставното уме на Македонија, како услов за зачленување во ЕУ и НАТО. Со тоа официјалноќе се задржат и македонскиот говорен и литературен јазик, кои се во фаза на исчезнување во етничките делови на Македонија под Грција, Бугарија и Албанија, потоа ќе се зачува и користи придавката “Македонски”, што ја окарактеризира македонската националност и сувереност, признавањето на МПЦ-ОА, продолжување на Македонските национални традиции и сл.

Многу полесно претставниците на поголемите политички партии од етничкото македонско население, било од власта или од опозицијата, ќе најдат меѓусебно разбирање во нивна заедничка македонска полза, ако помасовно Македонците од РМ и македонското иселеништво излезат на изборите и гласаат.Според досегашната пракса, гласовите на етничките Македонци се губеа при гласање за мали партии, односно поединци. Како пример ќе ги земам гласовите дадени за политичката партија на Љубе Бошковски и втората  дезертерската ВМРО-НП на Љубчо Георгиевски, каде отидоа залудно илјадници гласови.

Ние Македонците исто имаме симпатии за заеднички соживот, со други националности и етникуми, како во републиката така и за животот во дијаспората. Ајде сега да го покажеме нашето македонско единство, иако се однесува за незнатна бројка од 68.000, кои имаат право на глас во дијаспората во однос на некулкуте стотици илјади или повеќето од еден милион македонски емигранти, за кое вклучување во масовни избори кои во иднина ќе се одржуваат во Република Македонија, посебно ќе ги изнесеме своите ставови, мислења и предлози, за навреме да се остварат вечните желби на сите Македонци во светот, како што тоа го прават Евреите во Израел.

Овие Претседателски и Парламентарни избори се од особено значење за Македонците и за суверена Република Македонија, за да победи најдобрата партија, со најдобри резултати во минатите години и програми за иднината, посебно во зачувување на Уставното име, зголемување на екононскиот развој и подобрување на стандардот на живеење, со намалување на безработницата, што веќе е почнато и треба да се заврши со успех.