Си било еднаш едно мудро дете, принц Македонец по име Александар, трет во кралскиот род на Македонците, син на кралот Филип Втори Македон, внук на кралот Аминта Трети. Тој бил многу љубопитен и уште како мал ја истражувал природата со неговиот учител Аристотел. Тие двајцата патувале во шумата на чудесиите. Таа се наоѓала кај Дојранското Езеро.
Еден ден принцот Александар Македонски решил да го види небото. Заедно со неговиот тим научници направиле прекрасна кочија во вид на кафез, добро обезбедена од сите страни.
Во тоа време живееле страшните митски древни суштества добро познати во македонската митологија. Едно од нив бил и Грифонот. Што е тоа Грифон? Тоа е митско суштество половина орел, половина лав. Грифонот можел да лета!
Александар влегол во кочијата-кафез и го зел со себе долгиот жезол на кој неговите научници врзале жар црвено живо месо за да ги мами Грифоните да полетаат кон небото.
Четирите Грифони полетале кон небото и го вивнале принцот Александар високо кон ѕвездите.
Така оваа македонска историска приказна се пренесувала од колено на колено меѓу народот во Македонската Империја и стигнала се до ушите на цар Самоил. Но, како се пренесувала приказната од уши во уши од четирите грифони станале два грифони па, од два грифони станале два орли.
Еден ден царот Самоил дал свечена наредба да се овековечи оваа легенда за ВОЗНЕСОТ НА ЦАРОТ АЛЕКСАНДАР ТРЕТИ МАКЕДОНСКИ ВЕЛИКИОТ на рачно ткаена со разбој прекрасна таписерија која подоцна ја испратил како поклон за тамошниот цар во Германија. На таписеријата е прикажан царот Александар помеѓу два орли во прекрасна царска одежда со златна круна на главата, вознесен во лет кон небото.
Подоцна кога масовно се раширило Христијанството низ целиот Балкан Македонија, македонските царски и црковни великодостоинственици ги споиле двата орли и го овековечиле за век и веков двоглавиот орел како симбол на Православната Македонска Христијанска Црква – Охридска Архиепископија прва на Балканот Македонија.
Овој симбол е ВОЗНЕСОТ НА ЦАРОТ НАД ЦАРЕВИТЕ ВЕЛИКИОТ АЛЕКСАНДАР ТРЕТИ МАКЕДОНСКИ!
Драги мои читатели нека оваа вистинска историска македонска приказна го најде својот пат во учебниците и сликовниците ширум светот!
Господ Исус Христос нека е посреди нас.
Амин!
Каролина Ристеска
20 ти Јануари, 2020то Лето Господово
Торонто, Канада
Фото: Штитот со македонскиот православен двоглав орел го изработи Целе Младеноски
