Во ноември 1921 година населението во околината на Скопје доживеало невреме какво не се памети. Информацијата за невремето, ја пренесува белградскиот неделник „Илустриран лист – Ilustriran list“ бр 46 од ноември 1921 година, на страна 5 (текст) и 13 (фотографии).
Авторот на текстот „Олуја у околина Скопља – Непогода која се не памти“ со иницијал Ј. За невремето ќе напише;
„Скоро таму, во околината на Скопје доживеавме страшно невреме какво одамна не се памети. Ветерот кој наеднаш се крена беше така силен, да ги превртуваше колите по патиштата, односно цели стогови и снопови од нивите, ги рушеше телеграфските столбови и ги корнеше старите дрва од корен. Се што му се најде на ураганот на патот невремето го однесе или го испреврти. Железничката пруга, како што убаво се гледа на сликите кои ви ги испраќам, беше на многу места препречена со стебла од искорнатите дрва и паднатите телеграфски столбови. Брзината на ветерот во оваа чудна непогода, која предизвика поголема штета во околината на Скопје, достигнала до 35 – 45 метри во секунда.
