Американскиот весник Савана морнинг њуз (Savannah Morning News) во 1904 година пишува дека Борис Сарафов бил главен водач на македонското востаничко движење и селаните со восхит раскажувале приказни за неговaтa смелocт и подвизи.
Весникот пишува дека Сарафов долги години ги предизвикувал Турците да го фатат, иако честопати одел меѓу нив преправен како свештеник или како селанец, дури и како турски офицер.
Следбениците на Сарафов, пишува весникот, раскажуваат за еден настан во кој само неговата брза и смела реакција спасила цела чета комити да не бидe заробенa.
“Скоро стотина востаници стационирани во еден стар манастир свртен кон планините беа опколени од Турците. Одеднаш, среде пукањето, еден Турчин со ознаки на виш офицер јавајќи се појавил пред баталјонот од страна на планините.
Тој му наредил на трубачот да прати сигнал за да се изведе маневар со што баталјонот отишол надесно при тоа создавајќи голем јаз во борбените линии. Опсадените Македонци ја увиделе можноста да избегаат, направиле очаен продор и се пробиле кон планините.
Турскиот офицер кој ја дал погубната команда тргнал во потера по нив, наредувајќи има на Турците да го следат. Бидејќи тие не немале коњи, не можеле да го следат. Но, турскиот офицер не се вратил. Подоцна, збунетите Турци се сетиле во описот на неговото лице дека се работи за Борис Сарафов.”
ИЗВОР: “When the Sword Flashes in the Balkans,” Savannah Morning News, April 3, 1904, pg. 29
