Јанко Томов

Патриотите од диаспората се загрижени за договорот на групата од четирите преставници на политичките партии на Македонија, согласно наложениот Пржински договор, според кој,  кога деновиве одлучија да нема во иднина преставници од диаспората во Собранието на Република Македонија, а и да се укинат постојните Три парламентарни преставници од иселеништвото- Европа, Америка и Австралија. Така покрај СМК од републиката, ОМД од диаспората, како и индивидулни познати патриоти од диаспората, преку своите написи во македонските медиуми и интернетизданијата, како што е најпатриотското списание Македонска нација, бранејки ја потребата од постојните парламентарци-преставници од иселеништвото, се појавуваат и загрижени  интелектуални патриоти од Европската диаспора.

Имано Дејан Аџијоски од Швајцарија, во консултација со дел од иселеништвото, се обрати  со конкретно писмено барање, до претседателот на Република Македонија, д-р. Ѓорге Иванов, да не го потпише  овој катастрофален договор, кој го нарушува  Уставот на Македонија.

Со непотпишување на договорот на групата, која е нереална, бидејки е Три према еден, во штета на македонската демократија, со кое не се заштитува  националното македонско единство, посебно националните, демократски, економски, културни, верски и традиционални врски на иселеништвото, со родна Македонија.

Покрај и-маил адресите на патриотите од диаспората, писмото е испратено и преку пошта до претседателот на Република Македонија, д-р Ѓеорге Иванов.

До

Господин Ѓорге Иванов,
Претседател на Република Македонија
Почитуван Претседател на Република Македонија Ѓорге Иванов,
9 октомври 2015 година,
Акленс, Швајцарија

Почитуван господине Иванов,

Со цела почит кон вас како претседател на сите Македонци во светот, би сакал да ви се заблагодарам за вашите придонеси кон градење на поуспешна Македонија.

Во момен кога помеѓу успехот и поразот границата е тенка, ви пишувам со последен обид Вие како претседател на Македонија да реагирате во одбрана на дијаспората. И доколку најлошото сценарион се усвои помеѓу преговарачите:

Дијаспората бара да не го потпишувате указот за прогласување на измените и дополнувањата на Изборниот законик со кои што се дерогираат вејќе стекнати права.

Доколку и тоа не го превземете и го потпишете указот, тогаш и така тенката врска пемеѓу Македонците во светот и матичната земја ќе се прекинат, тогаш Македонија ќе западне во уште поголема криза со последици кои никој неможе да ги предвиди.

Во самиот потег на преговарачите лежи поразот. Или со самиот потег во 2001, измените како и долгорочните последици ја сменуваат и ден денес Македонија.

На крај, ако ситуацијата ескалира и Македонија западне во долгорочна нестабилност поради неодговорноста на лидерите во целост, тогаш ќе се запаметат само лошите дела и неуспехот на првенците кои ја воделе Македонија.

Како пример уште еднаш би го нагласил, договорот од 2001, жртвата која падна за неа, потписниците, придобивката до ден денес.

И доколку и ова не е доволно би спомнал дека Македонија ќе биде оставена како жив плен за останатите, за останатите затоа што не ќе бидеме во можност да основаме стабилна влада, сите игри кои одпосле ќе бидат, е почеток на крајот.

Во анекс писмата до Премиерот како и лидерот на СДСМ.

Со почит,
Дејан Аџијоски,
Швајцарија