Свекрва

На 28.01.2024 година, во Собранието со 36 гласа „за“ и тројца „против“, беше изгласана техичка влада предводена од Талат Џафери. Главната задача на оваа преодна власт е организирање на фер и демократски парламентарни избори. Но, со оглед дека техничката Влада ја предводи Џафери, на Македонија и престојат тешки моменти.

Јадна е Македонија, кога на чело на Владата се наоѓа поранешен дезертер од АРМ, командант на УЧК и човек кој се борел против македонските безбедносни сили во 2001 година. Тоа е човек кој претходно како претседател на Собранието на Македонија (2017 - 2024), не се држел ни до законите, ни до процедурите, па не се очекува тоа да го прави ни како технички премиер. 

Срамно е тоа што пратениците на СДС гласаа за Талат Џафери да биде премиер на техничката влада, за разлика од ВМРО ДПМНЕ која се воздржа од гласање. Против пак гласаа пратеници на Левица (2) и Демократски сојуз (1). Едноставно преставниците на овие три македонски партии не можеа да гласаат за преставник на ДУИ, чии преставници неодговорно се однесуваат со институциите и се замешани во низа коруптивни скандали.

Иако во своето експозе пред пратениците, Џафери нагласи дека нема да ја менува зацртаната политика на дотогашната Влада и дека нема да дозволи нарушување на изборниот процес, тој со одредени постапки веќе најави дека нема да ги почитува ни законите, ни процедурите.

Веќе првиот ден по изборот како техн. премиер, како што пренесуваат медиумите, го наруши Законот за безбедност во собраќај, паркирајќи со придружбата во центарот на градот

Со оглед дека ДУИ и СДС, освен корупциски скандали, немаат други успеси, се очекува ДУИ да покажува моќ и на општествената сцена да доминираат етничките прашања.  На пример, како што најголем дел од експозето на Џафери беше на албански, а само во еден дел на македонски јазик, така се очекува тој да продолжи да ја иритира македонската јавност, да не почитува ни ред ни поредок. Впрочем тој е познат по своето несоодветно однесување во Собранието и наместо слога ќе доведе до зголемување на јазот меѓу заедниците.

На техничкиот премиер „со коефициент поголем од Ајнштајн“, како што велат неговите, воопшто не му е гајле за државата, туку му е до дурдеџиите (разбојниците) од ДУИ, како и на нивните привезоци од СДС, да останат уште еден ден подолго на власт за да можат да ја рекетираат и уништуваат државата.   Истовремено, тие сега директно од Владата ќе продолжат да ја користат секоја прилика да ја понижуваат државата на македонскиот народ.

Јадна е онаа земја која има луѓе како оние од раководството на СДС кои му дозволија на ДУИ да ја киднапираат земјата. Јадна е онаа земја која нејзините синови ја продаваат државата за пари и ја претвораат во безбедно нестабилна земја која може лесно некој да ја запали како Газа.

Македонците и сите други заедници во претходните седум години имаа можност на своја кожа да го осетат владеењето на ДУИ и СДС.

Сега со техничката влада на чело со Џафери ќе имаат дополнителна можност да го почуствуваат башибузукот од нивното владеење. Но затоа пак наскоро имаат можност да помогнат државата да се доведе на нормален колосек.

На парламентарните избори на пролет, народот може со еден потег на пенкалото да ги острани овие разбојници инсталирани во власта и да игласа доверба на ВМРО-ДПМНЕ на чело со Христијан Мицкоски.