|
|
| Унија на Ветерани на ВМРО-ДПМНЕ: Македонија повторно горда! |
 На претседателските и парламентарните избори одржани на 24 април и 8 мај, кои поминаа во мирна, фер и демократска атмосфера, коалицијата „Твоја Македонија“ предводена од ВМРО ДПМНЕ, однесе историска победа. Професорката Гордана Силјановска Давкова, поддржана од ВМРО ДПМНЕ е идниот претседател на државата, а коалицијата „Твоја Македонија“ предводена од ВМРО ДПМНЕ освои 58 пратенички места.
По тој повод сакам од името на претседателство на Унија на Ветерани на ВМРО-ДПМНЕ и во мое лично име, за успешниот изборен процес и постигнатите резултати да им честитам на сите граѓани на Македонија, како и на сите Македонци во соседството и дијаспората.
Истовремено сакам да се заблагодарам на секој член на Унија на Ветерани, за вложениот труд и посветеноста во изборите. Исто така, сакам да нагласам дека Ветераните во сите Изборни Единици имаат голема заслуга за оваа победа. Ветераните на ВМРО ДПМНЕ укажуваат дека иднината на македонскиот народ и држава сега е во сигурни раце.
Гордана Силјановска Давкова има богато работно искуство, а Христијан Мицкоски е политичар кој седум години беше меѓу народот и го слушна гласот на народот пред да ја направи најголемата изборна програма од 1198 проекти. Претседателот Христијан Мицкоски на народот му понуди конкретни проекти, реални и остварливи. Програма слушната од устата на народот и за народот.
Со Гордана Силјановска Давкова, како претседател. и со Христијан Мицковски како премиер на државата, Македонија има иднина. Македонија ќе стане повторно горда.
Вечна да е Македонија!
Мане Јаковлески, Претседател на УВ на ВМРО-ДПМНЕ
|
