Петок, 05 Јули 2024   
Ламбе Арнаудов: Две маќеи свадба ни подготвуваат

1Lam1 copy copy copy

Кога бев младо момче се пееше еден од најголемите хитови во тоа време: “Има една мома многу убава, сиот град ја знае цела Битола...“

Но, од искон: Има една древна вистина, сиот свет ја знае, цела Европа, име и е МАКЕДОНИЈА.

               Тој сиот трудољубив, слободољубив и демократски свет постојано ја зборува вистината за оваа Убавица, но за жал, глувите слушатели и слепите кои при очи не прогледале измислуваат лаги, наспроти чесните авторитети кои на тие лаги одговараат со кажување на вистината.

               За жал лагата и вистината се сестри еднојајчани близначки и тешко се распознаваат.

               За оние кои лажат таа е вистина, а додека вистината за лажговците е лага.

               За среќа, од друга страна лагата е со кус век на траење, а вистината е вечна и секогаш ја победува лагата и во таа вечна борба е победник.

Се прашувам !? На кого му треба ГОЛЕМАТА ЛАГА и кому му користи?

               Името свето ли е? Народот вреден скапоцен Богољубив ли е?

               Безвремените подароци галантно трансформирани од автентични, тукашни, и свои подарени на човештвото, космополитски ли е?

               Духовноста, писменоста, народната мудрост, фрескописанието, копаничарството, градителството, литературата, ли е?

               Вечната и совршена интеграција на сево ова заедно со природните убавини, бистри реки, сини езера, плодни рамнини, прекрасни висорамнини, високи планини, длабоки клисури, ендемски суштества, чист воздух и пречиста вера во ГОСПОД што по сопствена желба вака преубаво го скроил, за да сé заедно биде вечна инспирација и безвремено творештво, но и цврсто изградени човечки карактери со лик и дело како СОЗДАТЕЛОТ да ГО прославуваат на земјата, ли е?

               Старата дама, ренесансно обновена со длабоко внедрена во себе вистина на Волтер, Расин, Гете, Достоевски и други грамади од луѓе гении, намерно ја заобиколуваат вистината за нас, притоа заборавајќи ги вредностите на кои почива врвот со години ни од блиску допрен и љубоморно чуван за себе од другите, ли е?

               Или можеби сето ова заедно во едно цело ли е?

               Тоа е!

               Инаку како да ѝ објаснам на оваа моја збунета глава, каде ли ви згрешивме!? Знам никаде.

Зошто тогаш повторно нé фрлате во устите на модерните “човекојадци“  да нé изедат духовно по секоја цена, да го затрат нашето исконско семе, да избришат цивилизациски придобивки, да прегазат чест и гордост, да направат од нас еволуирани за под јарем ставени на врат што ќе се движиме, натаму на каде што ќе нé подбуцнат со големиот стап во нивните блудни раце. 

Пак ли двете МАЌЕИ злобни до срце, со неопислив гнев и омраза кон преубавата МОМА ќе ја мажат за либето кое не го сака. Ќе ја мажите ли во вторник.

Во мојот древен Охрид обичај беше кога се правеше свадба без љубов и доброволност, место во светиот ден недела, се правеше во вторник, за да не се повтори и нанесува изгор на душата и срцето, во иднина.

Како двете маќеи ќе ја продаваат МОМАТА пак, по којзнае пат, кога е таа мајка на сите мајки, и никогаш немала работа со зли маќеи.

Мајка е на сите мајки, нејзината добрина е прави вечно МОМА, никогаш и од никого недопрена, без брчки старечки, горда исправена со чекор како самовила, истовремено чедна и храбра да не ја игра играта на двете маќеи.

Двете маќеи кои насилно и го одзедоа дел од невестинскиот мираз, приќе, што со илјадници години го ткаеше и чуваше за својата ЉУБОВ.

Се здруживте двете лоши маќеи и последниот останат дел од миразот да го грабнете, а невестата ја фрлете во бездната на очајот и тага.

МОМАТА не се дава на вашата расипана волја. МОМАТА секогаш во мислите ја има желбата да си го врати сиот мираз со кој двете маќеи се китат а не е нивни.

Наскоро МОМАТА ќе биде најубавата, најправедна и најсреќна НЕВЕСТА со сиот мираз вратен назад за да го подари од срце на ЉУБЕНИОТ.

 

На прво место

News image

Славјанка Петровска да каже дали луксузната хациенда е уште нејзина или ги крие парите од продажба

Според катастарските снимки во моментот кога Петровска вели дека го продала земјиштето, таму била ...

Историја

News image

Св. Давид цар Македонски, братот на Самоил

„На 13 јануари 1833 година во пожар настрадал манастирот Св. Јован Рилски. Монасите започнале негова...

Иселеници

News image

УЧЕСТВО НА АНСАМБЛОТ „ТОМОВ“ НА ИЛИНДЕНСКИОТ ФЕСТИВАЛ ВО БИТОЛА (35)

ДЕЛ ОД МОНОГРАФИЈАТА „ТОМОВ“  НА СЛАВЕ КАТИН

Your are currently browsing this site with Internet Explorer 6 (IE6).

Your current web browser must be updated to version 7 of Internet Explorer (IE7) to take advantage of all of template's capabilities.

Why should I upgrade to Internet Explorer 7? Microsoft has redesigned Internet Explorer from the ground up, with better security, new capabilities, and a whole new interface. Many changes resulted from the feedback of millions of users who tested prerelease versions of the new browser. The most compelling reason to upgrade is the improved security. The Internet of today is not the Internet of five years ago. There are dangers that simply didn't exist back in 2001, when Internet Explorer 6 was released to the world. Internet Explorer 7 makes surfing the web fundamentally safer by offering greater protection against viruses, spyware, and other online risks.

Get free downloads for Internet Explorer 7, including recommended updates as they become available. To download Internet Explorer 7 in the language of your choice, please visit the Internet Explorer 7 worldwide page.