Свекрва

„Ќе го чуваме името. Ќе го чуваме идентитетот. Ќе го чуваме достоинството.“ со овие зборови Зоран Заев и Стево Пендаровски ги лажеа македонските граѓани. Денес, историјата ги бележи како луѓето што го погазија сето тоа што го ветуваа и повеќе.

Зоран Заев и Стево Пендаровски не еднаш, туку повеќепати јавно се колнеа дека никогаш нема да прифатат промена на името. Денес знаеме: тоа не беа заклетви, туку сценарија за манипулација. Сценарија со јасна цел лична и партиска корист, а по цена на националната чест.

На 30 септември 2018 година, македонскиот народ им порача „НЕ“. Над 63% од запишаните избирачи го отфрлија Преспанскиот договор преку бојкот на референдумот. Сепак, Заев и Пендаровски не само што го игнорираа гласот на народот, туку и отидоа чекор понатаму, насила го сменија Уставот, потпомогнати од закани, притисоци и уценети пратеници.

Никогаш нема да го заборавиме моментот кога во македонските пасоши почна да се појавува зборот „Северна“. Заев и Пендаровски ја извршија најголемата политичка измама во поновата македонска историја. Немаат право да повикуваат на „еднаквост“ и „иднина“, кога самите ја бришеле основата на државноста.

Колку и да се обидуваат да го нашминкаат, „новото“ лице на СДС преточено во Венко Филипче е ништо друго туку продолжение на Заев. Истата матрица на неодговорност, истата ароганција, истите шеми на криминал и корупција.

Од трагичните набавки за време на пандемијата, до прикривањето на вистината за модуларната болница Филипче не е симбол на промена, туку гаранција за континуитет на пропаст. СДС со Филипче не нуди ништо ново. Само старите ликови со нова етикета, кои мислат дека народот има кратко паметење. Но Македонија не заборава.

Македонија нема да се врати преку молк и сервилност. Ќе се врати со нова генерација која не се колне лажно, туку живее вистински за Македонија.

Никогаш Северна! Секогаш Македонија!