Култура и туризам

Тажен и радосен ден во Бигорскиот манастир

Тажен и радосен ден во Бигорскиот манастир

Во изминативе два дена беа одржани богослужби и литургии посветени на отсекувањето на главата на свети Јован Крстител, патрон на манастирот

Неколку стотици верници речиси од сите краеви на Македонија и гости од соседните држави Бугарија, Грција и Србија, но и од Полска и Австрија, во изминативе два дена присуствуваа на богослужбите и литургиите посветени на отсекувањето на главата на свети Јован Крстител, патрон на Бигорскиот манастир.

Вчера беа отслужени утрена богослужба и света архијерејска Златоустива литургија, со која чиноначалствуваше митрополитот г. Тимотеј, надлежен архијереј на дебарско-кичевската епархија, со сослужение на монаси на Бигорски, хорот на манастирот и свештенослужители на епархијата. Црквата беше претесна да ги собере сите верници, а поголемиот дел ја следеше во дворот на манастирот.

Беседа за свети Јован Крстител одржа митрополитот г. Тимотеј.

– Денешниот ден е и тажен и радосен. Жалосен бидејќи ние, според човечкото разбирање, остануваме без молитвеник, немаме патеводител, немаме учител, нема кој да тагува за време на нашите душевни и телесни страдања. Од друга страна, пак, ги помниме смртта и страдањата на Христа, на Оној што го победи злото, а смртта на Јован Претеча ни дава гаранција дека тој, сега како угодник божји, се наоѓа пред престолот божји и е наш молитвеник пред Бога. Тој постојано се моли и за нас, кои го прославуваме и го почитуваме неговиот спомен – рече тој.

На крајот на беседата, митрополитот г. Тимотеј истакна дека свети Јован се јавува како последен пророк и прв Христов апостол. Ни дава пример како да ја чуваме нашата вера и како треба да бидеме предани кон нашиот божествен учител, покажувајќи ни го патот по кој треба да одиме кон тивкото пристаниште на царското небесно.

Игуменот на Бигорскиот манастир, архимандритот Партениј, истакна дека со особено задоволство соопштува дека монашкото братство на осумдесет и неколкугодишната Драгица Андоновска ѝ го доделува највисокото признание на Бигорскиот манастир, орденот „Претеча“.Андоновска го доби орденот за 23-годишната љубов кон Бигорскиот манастир, при што неуморно, со самопрегор ги организира верниците на Битола, Прилеп и околината за поклонение на големите празници. Орденот ѝ го врачи митрополитот Тимотеј. Беше возбудена и пресреќна што нејзините гради ги краси орденот на овој манастир. Иако ѝ натежнале годините, сѐ додека ѝ дозволува здравјето, ќе продолжи со благородната мисија.

https://www.novamakedonija.com.mk/makedonija/%d1%82%

Најново од: Култура и туризам

Марко Цепенков – човекот што го зачува македонското народно богатство од заборав

На 7 ноември 1829 година е роден Марко Цепенков, еден од најзначајните македонски собирачи на народни умотворби, писатели и етнографи. Со својата долгогодишна и посветена работа оставил непроценливо наследство за македонската култура, јазик и народна традиција. Неговата собирачка дејност започнала во 1856–1857 година, поттикната од учителот и преродбеник Димитар Миладинов. Средбата со Миладинов му дала […]

Стенчевска тврдина и Тумба: богато археолошко наследство во Полог

Колаж од археолошки цртежи на монети, накит и други предмети пронајдени во Стенчевската тврдина.   Над селото Стенче се издигаат остатоците од стар утврден град, а во неговата околина се наоѓа неолитска населба чии почетоци се поврзуваат со животот на овој простор пред околу 8.000 години. Заедно, овие локалитети сведочат за богатото културно и историско […]

Ланга и Голо Брдо – камени кули, планински предели и културно наследство што заслужува да се открие

Камените куќи на Ланга, природните убавини на нејзината околина и богатата традиција на Голо Брдо во кое културата и природата се доживуваат заедно. Ланга, на албански Llangë, административно припаѓа на единицата Стеблево во општина Либражд. Селото привлекува внимание со својата положба меѓу шумите и карпестите падини, но особено со впечатливите камени градби што му даваат […]

Свети Нестор – празник на верата, народните верувања и есенското садење

Меѓу празниците што ја поврзуваат духовната традиција со секојдневниот живот на македонскиот народ е и празникот на светиот маченик Нестор Солунски. Неговиот спомен, кој се празнува на 9 ноември, ден по Митровден, во одделни македонски краишта е проследен со обичаи за заштита на житото, садење овошки и почитување на мајсторскиот труд. Именден на овој ден […]

Свети великомаченик Димитриј Солунски – Митровден

Именден слават: Димитар, Димитриј, Димитрија, Димитрие, Диме, Димо, Митре, Митко, Мите, Димитрина, Димитрија, Димка, Митра и Митка На 8 ноември, односно на 26 октомври според јулијанскиот календар, Македонската православна црква – Охридска архиепископија го празнува споменот на светиот великомаченик Димитриј Солунски. Празникот, кај народот познат како Митровден, со векови зазема значајно место во духовниот и […]

Свети апостол Јаков, брат Господов – првиот епископ на Ерусалим

На 5 ноември, односно на 23 октомври според јулијанскиот календар, Македонската православна црква – Охридска архиепископија го празнува споменот на свети апостол Јаков, брат Господов. Според православното предание, свети Јаков бил син на праведниот Јосиф од неговиот претходен брак. Називот „брат Господов“ се поврзува со неговото место во семејството на Јосиф, свршеникот на Пресвета Богородица. […]

Пренос на моштите на свети Јован Рилски – празникот и историјата на Рилскиот манастир

На 1 ноември, односно на 19 октомври според јулијанскиот календар, Македонската православна црква – Охридска архиепископија го одбележа преносот на моштите на свети Јован Рилски. По повод празникот, потсетуваме на неговото духовно наследство и на историјата на Рилскиот манастир — светилиште во чија изградба и украсување учествувале истакнати градители, зографи и копаничари. Свети Јован Рилски […]

manastir-selo-sogle

Манастирот „Рожденство на Пресвета Богородица“ кај Согле – духовен мир во срцето на Азот

Во прекрасен планински амбиент, на околу три километри од селото Согле, во Општина Чашка, се наоѓа манастирот „Рожденство на Пресвета Богородица“. Сместен во областа Азот, на околу 30 километри југозападно од Велес, овој храм е место на молитва, тишина и душевен спокој. За историјата на манастирот се зачувани малку пишани податоци. Според достапните записи и […]

To top