ДЕЛ ОД ТВОРЕШТВОТО НА СЛАВЕ КАТИН
По повод 30-годишниот јубилеј на првата македонска православна црква “Свети Климент Охридски“ е отпечатено делото „Македонски вознес”, чиј автори се Славе Николовски-Катин и Фиданка Танаскова, Тоа е едно од значајните изданија на „Свети Климент Охридски“, од Торонто, отпечатено во 1994, на 232 страници, на македонски и англиски јазик, а рецензенти се митрополитот Кирил и Христо Андоновски.
Македонска православна црква “Свети Климент Охридски“ во Канада е стожерот на најголемиот број активности што Македонците ги развиваат во Торонто и пошироко претставува мотив повеќе за изразување на љубовта и почитта кон родната земја Македонија. Тој е национален дом и е најголем центар на раселените од сите делови на етничка Македонија. Црквата е место на другарување на Македонците од седум до седумдесет и седум годишна возраст. Со други зборови, таа е македонски центар за поколенијата
Тоа е постигнато благодарение на демократска Канада која се смета за светски пример на мултикултурно општество. Таа е прва земја во светот која официјално го призна мултикултурното шаренило и ја продолжува континуираната, значајна и доследна недискриминаторска политика. Со тоа, мултикултурата на заедништво, почит и љубов кон Канада се прогласи за политика на власта на Канада, каде што секој староседелец или новодојденец како Канаѓанин има право на слобода на свеста, верата, мислата, изразувањето, мирното собирање и дружење, уживање и развој во сопствената култура, пропагирање и применување на сопствената религија и употребата на мајчиниот јазик.
Во 1994 година се појави монографијата за Македонската православна црква „Свети Климент Охридски“ од Торонто под наслов „Македонски вознес“ чиј автори се Славе Николовски-Катин и Фиданка Танаскова. Издавач на ова дело кое излезе во издание на Управата на соборниот храм „Свети Климет Охридски“.
Во својата рецензија за книгата, полошко-кумановскиот архиереј, митрополитот Кирил, истакнува дека големиот празник, тридеценискиот јубилеј на светиот македонски храм „Свети Климент Охридски“ во Торонто е вистински македонски вознес за сите браќа и сестри од род македонски, за сите имени и безимени кои вградија огромна љубов, дарување, труд и самопрегор во неговите темели и го подигнаа овој прекрасен и најголем соборен храм на северноамериканскиот континент.
Црквата била и останува да биде симбол на македонското име, непокор, тврдокорност и постоење на далечните прекуокеански простори, во чии двери пулсира една извонредно динамична активност, атрактивна, привлечна и неодминлива за сите генерации Македонци, подвлекува митрополитот Кирил во предговорот под наслов „Летопис на генерациите“.
Во посветата на монографијата за црквата „Св. Климент Охридски“, г.г. Михаил вели:
„ПлодотштогородидрвотопосаденоодсветиКлиментОхридскивоМакедонија, доведедосоздавањенаОхридскатаархиепископија, којаденеспостоиволицетонаМакедонскатаправославнацрква. КоренитенатоаСветиклиментоводрвосераширијанасекаденизцелаМакедонијаисветотистасаадосеверноамериканскиотконтинент, кадеизникнаеденоднајголемитеинајзначајнидуховно-националниикултурно-просветнихрамовиштомакедонскитеиселеницигоимаат – црквата„СветиКлиментОхридски“воТоронто “.
Промоцијата на ова дело е извршена во Соборната црква на Американско-канадската македонска православна епархија „Свети Климент Охридски“ во Торонто на патрониот ден на црквата, а на која зборуваше митрополитот г. Кирил. Исто така, ова дело е промовирано и во Соборниот храм „Свети Климент Охридски“ во Скопје, од г.г. Михаил и проф. д-р Вера Стојчевска Антиќ, кои истакнаа дека делото на Катин и Танаскова претставува значајна алка во синџирот на Светиклиментовата традиција во светот и во Македонија.
Промоцијата на ова дело е извршена и во Соборната црква на Американско-канадската македонска православна епархија „Свети Климент Охридски“ во Торонто на патрониот ден на црквата, а на која зборуваше митрополитот г. Кирил. Исто така, ова дело е промовирано и во Соборниот храм „Свети Климент Охридски“ во Скопје, од г.г. Михаил и проф. д-р Вера Стојчевска Антиќ, кои истакнаа дека делото на Катин и Танаскова претставува значајна алка во синџирот на Светиклиментовата традиција во светот и во Македонија.
На овој настан, во Гласникот на Институтот за национална историја се осврнува и историчарот д-р Александар Трајановски, кој ова дело на читателите им го препорачува како реликвиум, кој претставува нов придонес во македонската црковно-национална историографија. Свечена промоција оваа монографија доживува и во Струмица, каде што за неа во Домот на културата зборуваа професорите д-р Вера Стојчевска Антиќ и д-р Димитар Керамичиев.
Продолжува
ДУШАН РИСТЕВСКИ – МАКЕДОН
