Димитар Михајлов – зограф

Димитар Михајлов – зограф

Димитар Михајлов е македонски зограф од почетокот на XIX век, претставник на Самаринската уметничка школа. Во 1830 – 1833 година тој и неговиот татко ја зографисале трпезаријата на Бигорскиот манастир и се автори на иконите во иконостасот на Бигорскиот манастир. Во 1832 година, Димитар се замонашил во манастирот под името Даниел, а подоцна служел како протостингел на Пелагониската митрополија. Oд 1840 до 1852 година Михаил и Димитар ја зографисале црквата „Свети Ѓорѓи“ во Рајчица. Кај нив учел и Дичо Зограф.

Димитар Михајлов е роден во градот Крушево во семејството на познатиот зограф Михаил Анагност попотекло од Самарина, Егејскиот дел на Македонија. Димитар е постар брат на зографот Николај Михајлов.

Димитар зографскиот занат го научел кај својот татко и првично работел со него. Тој сликал многу икони во Македонија и Албанија. Најчесто на своите дела се потпишувал на грчки, а поретко и на славјански, како на пример во Бигорскиот манастир.

Во 1830 – 1833 година Димитар и Михаил ја зографисале трпезаријата на Бигорскиот манастир. Во 1832 година, Димитар се замонашил во манастирот под името Даниел, а подоцна служел како протостингел на Пелагониската митрополија.

Десет години потоа, на 26 март 1842 година, Димитар напишал писмо до игуменот на Рилскиот манастир во кое го информирал за желбата на неговиот татко Михаил да го зографиса новиот католикон, главниот храм на манастирот.

Во 1848 година ја насликал црквата „Св. Параскева“ во Халики, Трикалско. Од црквата, негова е и иконата „Свети Димитриј“ од 1870 година.

Освен ова дела, неговите се иконите и кралските двери во митрополитскиот храм на „Успение Богородично“ во Елбасан (1826 – 1828), икони во Бигорскиот манастир од 1829 година, како и иконите на новиот иконостас (1831 – 1835), насликани со неговиот татко Михаил и неговиот брат Николај. „Христос Елејмон“ (1830) од Корчанскиот музеј за средновековна уметност, „Благовештение“ (1834) од „Свети Атанасиј“ во Подвис, икони во Фиер, „Света Богородица Одигитрија“ од манастирот „Света Богородица“ во Појан, иконостасните икони од Свети Никола” во Крушево (со Михаил и Николај),”  Света Параскева” (1866) во “Света Параскева” во Мегалохори, Трикалско.

Покрај тоа што Михаил и Димитар се автори на иконите во иконостасот на Бигорскиот манастир, од 1840 до 1852 година двајцата ја насликале и црквата „Свети Ѓорѓи“ во Рајчица. Кај Михаил и Димитар учел и познатиот македонски зограф Дичо Зограф.

„Исус Христос Велик Архиереј“, икона от „Благовештение Богородично“ во Тирана, 1830 г., дело на Михаил Анагност и сина му Димитар