Тихомир Каранфилов
Никола Тодоровски (18. I 1914 – 22. VI 1944) македонски комунист, учесник во НОБ. Еден од најистакнатите партизани и раководители на Народноослободителната борба во Битолскиот Регион. Загинал како политички комесар во Првата Македонско – Косовска бригада, при експлозија на мина на 22. јули 1944 година во село Брунец, кај Караорман.
Никола Тодоровски, познат како Коле Канински, е роден на 18 јануари 1914 година во Битолското село Канино. Своето основно и средно образование (гимназија) ги завршил во Битола. Во октомври 1933 година заминал на студии на Правниот факултет во Белград.
Додека бил студент во Белград, Канински како поповски дете, им помагал на посиромашните другари. Таму се запознал со марксистичкото учење, за Француската револуција и Париската комуна. Станал член на КПЈ во 1936 година. Истовремено интензивно се интересирал за историјата на македонскиот народ и македонскиот јазик.
По дипломирањето во 1938 година се вратил во Битола. Како адвокат ги помагал луѓето и продолжил со своите политички активности. Во 1940 година станал член на Месниот комитет на КПЈ во Битола, а во 1941 станал член на Првиот битолски месен воен штаб. Поради својата револуционерна дејност неколку пати бил затворан од бугарската полиција, а неговото семејство било интернирано во Стара Загора, Бугарија.
На 6 октомври 1942 година се приклучил кон партизанските единици. Тој го организирал и станал командант на Битолскиот партизански одред „Гоце Делчев“. Бил именуван за политички комесар на Првата македонска бригада на НОВ на Македонија, а бил избран и за делегат на Првото заседание АСНОМ.
На 22. јули 1944 година, при испробувањето на минофрлач кај селото Буринец на планината Караорман, Коле Канински, кој бил политички комесар во Првата Македонско – Косовска бригада, загинал со Трифун Пановски и уште тројца нивни соборци.
