СДС нема крај во својата политичка забеганост и хипокризија. Додека партијата ги обвинува другите за „српски свет“, странски влијанија и застапување туѓи интереси, токму поранешни функционери и луѓе блиски до СДС се поврзуваат со сомневања за соработка со српската разузнавачка служба БИА.
Таков е примерот со Виктор Петрушевски, поранешен советник на Зоран Заев и човек кој бил дел од високи партиски структури и тела на СДС. Неговото име се споменува во последната шпионска афера, во контекст на наводна соработка со српската служба.
Од друга страна, СДС зборува дека во Македонија продира таканаречениот „српски свет“ и тврди дека тоа претставува опасност. Истовремено, малкуте градоначалници на партијата, меѓу кои оние во Крива Паланка и Македонска Каменица, организираат концерти и народни собири со српски пејачи како Лепа Брена и Ацо Пејовиќ.
Хипокризијата е уште поголема ако се има предвид дека пратеникот на СДС и поранешен министер, вицепремиер задолжен за борба против корупцијата и генерален секретар на партијата, Љупчо Николовски, заедно со градоначалникот на Крива Паланка, ќе се забавува во првите редови на градскиот плоштад токму на концертот на Лепа Брена, пејачка која настапувала пред војници за време на војната во Босна и Херцеговина.
Оттука, го поставуваме логичното прашање: дали Венко Филипче е инсталација на БИА, кога луѓе од неговото политичко опкружување се поврзуваат со соработка и шпионирање во корист на странски служби?
Имајќи предвид дека малкуте избрани градоначалници на СДС организираат концерти и забави речиси исклучиво со српски пејачи, прашуваме и дали токму преку Венко Филипче, СДС и нивните функционери во Македонија продира таканаречениот „српски свет“?
Одговори за овие прашања треба да дадат конфузното раководство на СДС и Венко Филипче, се наведува во соопштението на ВМРО-ДПМНЕ.Top of Form
