Македонија станува сè попривлечна туристичка и транспортна дестинација, а аеродромите во Скопје и Охрид го забележаа најуспешниот јули досега, поставувајќи историски рекорди во македонскиот воздушен сообраќај, истакна Стојаноски.
Според податоците на ACI Europe, патничкиот сообраќај во Македонија пораснал за 27,9 отсто, со што земјата се најде на првото место меѓу државите што не се членки на ЕУ+.
Меѓународниот аеродром „Скопје“ е рангиран меѓу најбрзорастечките средни аеродроми во Европа, со раст од 28,6 отсто.
Историски резултат оствари и аеродромот „Св. Апостол Павле“ во Охрид. Во јули преку него патувале за 41,21 отсто повеќе патници во споредба со истиот месец минатата година, што го прави најуспешниот јули во неговата историја.
„Овие бројки потврдуваат дека инвестициите во нови авиолинии, развојот на аеродромите и поддршката на туризмот носат конкретни резултати за македонската економија“.
