Венко Филипче, чиракот на Зоран Заев, во обид да глуми патриот, поита да каже дека Македонија не е на продажба.
Но, се прашуваме, каде беше Венко Филипче кога неговиот ментор Зоран Заев, со него во Владата, го менуваа името, прифатија ултиматуми од Бугарија и ги распродаваа државните интереси?
Одговорот е многу едноставен. Како министер, Филипче ги користеше сите привилегии што му ги овозможуваше власта и мудро си молчеше за сите предавства направени врз државата.
Човекот кој со својот ментор Заев, кому му ја чува фотелјата во СДС, го менуваше името и ја убедуваше јавноста дека така ќе станеме членка на ЕУ. Но, тоа што граѓаните го добија е само лажната вест со сликата од авионот, каде што, со дигнати палци, лажеа дека државата ги отворила преговорите.
Тогаш Филипче гледаше провизиите за вакцините да му поминат, тендерите да врват, а кај него и Заев процентот да стигне, за сега да имаат за луксузни одмори и јахти во Грција, за згради, станови и златни визи во Дубаи.
Венко Филипче, исто така, премолче и кога неговиот ментор Заев, додека го менуваа името, велеше дека така Македонија ќе ја омажи за богата фамилија. Но, веројатно богатството го мислеле за нив, затоа што, според ВМРО-ДПМНЕ, единствените кои се офајдиле се токму Филипче и Заев, додека народот го осиромашија, а државата ја опљачкаа.
Затоа сега се и против сè што значи развој и напредок на државата. Не сакаат во Македонија да има инвестиции во напредни технологии, индустријата да расте, а рударството да се развива.
Колку и да се обидуваат СДС, Филипче и Заев да го спречат напредокот на државата, тоа нема да им успее. Граѓаните веќе ги препознаа и знаат дека нив единствено ги интересира нивниот џеб, ништо друго.
Затоа уште долго ќе останат таму каде што се – во длабока опозиција и на прагот на биолошкиот минимум, стои во соопштението на ВМРО-ДПМНЕ.
