Каролина Ристевска-Канада
МАКЕДОНИЈА, БЛАГОСЛОВЕНА ЗЕМЈА НА СОНЦЕТО
Автор на рециталот: Каролина Ристеска
Животот да царува неможе без Сонцето,
А Бог ни го дари токму него на знамето!
Лавот се роди во Македонија
За да ја освои Персиската Империја!
Стигнаа славните Македонци
се до Кина и Индија!
На чело со царот Македонец,
Александар Трети Велики.
Македонија стана земја од ветените,
Освоените и заробените, уништените,
Разделените и раселените ,
распарчена на три страни
помеѓу соседите!
Народот на Сонцето го просветли Крстот,
Апостол Павле прв стапна во Македонија.
Браќата Кирил и Методија,со учениците
благословени Христијани словото го раширија,
и многу народи се описменија со светата кирилица!
Жива е Македонија оти Бог ја создаде на Земјата
Ја украси со прекрасни планини, езера и шуми,
Историја од векови исклесана на карпи
И песни Орфејски запишани во зборник.
Бог ја благослови Македонија,
Да го носи времето низ неа
Да ги чува Црквите и Библијата
Да тече како река непресушна
Да раскажува со песните
Да раѓа јунаци на расата Гоцева!
Погледнуваш, кон цветот мирисен
Оти си скинат дел од него
Од својта родна грутка одвоен
И си велиш убав е, сеуште мириса
На татковата и мајковата градина
таму далеку во Егејот, во мојата Македонија.
Македонецот е благословена икона
на која вредноста и е бесценета.
Вистинскиот Македонец
кога за Македонија ќе го прашате
тој ќе ви раскаже
со срце полно љубов за неа.
Македонија, во срце да ја носите,
да ја сакате, чувате и да ѝ верувате!
Сакајте се браќа и сестри Македонци,
оти само со љубов ќе ја сочуваме
нашата мила Македонија,
благословена земја на Сонцето.
