Билјана Челик
Билјано ќерко Билјано,
измети рамни дворови
и тие вишни чардаци.
Па ми се после промени,
па ми се после наличи.
Ќе дојде Јане војвода,
ќе дојде Царот Пирински
со своја верна дружина,
тебе да ми те кандиса
комита в гора да одиш,
со четата да се бориш
за мајка Македонија.
Пред да ми петли запеат,
станала мома Билјана,
измети рамни дворови
ем тие вишни чардаци.
Ете го Јане пред порти
со верната си дружина,
се млади калеш момчиња.
Излезе мома Билјана,
пред Јанета се наличи,
со вино ми го пречека
ем бела љута ракија.
Тогаш и Јане говори:
Билјано моме Билјано,
Билјано една на мајка.
Кинисај со нас в планина,
со душман да се бориме
за наша Македонија.
Тогаш се мома Билјана
исправи како планина,
наметна капа комитска,
ми нарами малихерка
и со Јанета киниса
и верната си дружина,
в корија горе в планина,
душманот да го изгони
од наша Македонија.
Благодарам Miladin Ugrenovic Midves за посветените стихови
