Македонска Нација
Дубаи со години важеше за еден од најпосакуваните дестинации за живот и бизнис на светската елита. Луксузот, високите облакодери, модерната инфраструктура, ниските даноци и статусот на глобален финансиски центар го претворија во магнет за милионери, политичари, инвеститори и бизнисмени од целиот свет.
Во последните години, јавноста во Македонија често го поврзуваше Дубаи и со информации дека поранешни и актуелни политички функционери, меѓу кои Венко Филипче и Зоран Заев, добиле т.н. „златни визи“ во Дубаи – статус што овозможува долгорочен престој, бизнис активности и бројни привилегии во оваа богата држава.
Во период кога многу граѓани во Македонија се соочуваат со економски предизвици, ваквите информации предизвикаа бројни реакции во јавноста и отворија прашања дали дел од политичката елита навреме си подготвувала резервна дестинација надвор од државата.
Но, иронично, токму во моментот кога Дубаи за многумина претставуваше симбол на сигурност, луксуз и стабилност, почна да се менува перцепцијата за безбедноста во регионот.
Со ескалацијата на конфликтите меѓу Иран, Израел и американските сили, расте стравот дека Дубаи повеќе не е недопирлива зона на мир и економска стабилност. Светските медиуми веќе објавуваат дека дел од богатите странци почнале да го напуштаат Дубаи, барајќи помирни и побезбедни дестинации.
Некои заминале веднаш по првите безбедносни закани, додека други постепено ги префрлаат својот капитал и бизниси во нови држави, стравувајќи од можна поширока регионална нестабилност на Блискиот Исток.
Симболично или не, излегува дека оние што мислеле дека пронашле трајна сигурност и луксузна иднина во Дубаи, денес повторно бараат ново засолниште.
Историјата многупати покажала дека ниту еден глобален центар на моќ, богатство и луксуз не е трајно недопирлив. Во време на геополитички тензии, безбедноста и стабилноста стануваат поважни и од парите, недвижностите и ексклузивните визи.
Ако е точна информацијата за златните визи на Заев и Филипче, граѓаните во Македонија прашуваат – каде ќе им биде следната дестинација?