Филипче е на страната на бугарските барања, ВМРО-ДПМНЕ е на страната на македонските национални интереси
Отворањето на Уставот не значи затворање на спорот, туку отворање на Пандорината кутија за нови условувања, нови притисоци и нови удари врз македонскиот идентитет. Уставните измени не се последната, туку првата отстапка од низата барања што Бугарија сака да ги наметне на Македонија.
Капитулантската политика на СДС и ДУИ ја доведе државата во подредена позиција. Наместо јасна заштита на националните интереси, тие прифаќаа договори и обврски кои создадоа простор Македонија постојано да биде уценувана и притискана. Наместо цврсти државни позиции, граѓаните добиваа нови отстапки и нови ветувања дека „ова е последното барање“, а секоја наредна отстапка отвораше простор за нови условувања.
Венко Филипче денес е најгласниот промотор на истата погрешна политика. Наместо да застане зад Македонија, Филипче застанува зад бугарските позиции. Наместо да бара гаранции за македонскиот идентитет, јазик и национални интереси, тој бара нови отстапки. Наместо да го слуша гласот на народот, ја повторува политиката што веќе еднаш ја доведе државата во ќор-сокак.
Додека Филипче и СДС ја поддржуваат агендата што доаѓа од Софија, ВМРО-ДПМНЕ води политика заснована на достоинство, принципи и заштита на националните интереси. Позицијата е јасна – Македонија сака членство во Европската Унија, но не по цена на сопствениот идентитет, историја, јазик и национално достоинство.
Затоа довербата во СДС секојдневно паѓа. Граѓаните јасно препознаваат кој ја брани Македонија, а кој е подготвен повторно да тргува со националните интереси. Сѐ поголем број граѓани ја поддржуваат политиката која бара почитување на македонските позиции и ставање крај на бесконечните отстапки.
Времето на капитулации заврши. Македонија мора да оди напред достоинствено, со јасни позиции, со заштитен идентитет и со политики што се во интерес на македонскиот народ и државата. Националните интереси не смеат да бидат предмет на преговори и политичка трговија, туку темел врз кој ќе се гради иднината на Македонија.
