Стирлинг Македонија оди по трофејот!
Младите фудбалери на Стирлинг Македонија до 18 години се пласираа во големото финале на Државниот куп на Западна Австралија!
По одличните настапи и заслужената победа од 2:0 над Перт Ред Стар во полуфиналето, младите „лавови“ ги очекува уште една пресметка – борбата за шампионскиот пехар против Перт Глори.
Финалето ќе се одигра на 29 август 2026 година и ќе претставува круна на досегашниот извонреден настап на младата екипа. Со македонското име на дресовите, со лавовско срце на теренот и со поддршката од трибините, Стирлинг Македонија оди по победа!
Ова не е само фудбалски натпревар. Ова е можност младите фудбалери да испишат нова страница во историјата на клубот и гордо да го кренат македонското име во Австралија.
Сега е време целата македонска заедница да застане зад своите фудбалери. Да ги обоиме трибините во црвено и жолто и со песна да ги понесеме кон трофејот!
Уште еден натпревар. Уште една голема битка.
Напред, Стирлинг Македонија – донесете го пехарот дома!
