Александар Џеповски
Комунистите се лажговци. Кројат историја како ним им одговара. Тие се рак – рана на Македонија. Проодот Слива е доказ.
Личности, битки, вистината и сите наши придобивки ги кријат од само за нив познати причини, најверојатно од некаква материјална корист. Друго објаснување нема. Пред да се даде коментар за Слива, мора да напоменеме неколку факти.
Првата пушка во Македонија не пукнала, како што не` “учеа” во Прилеп и Куманово на 11 Октомври 1941, туку на 15 Јули 1941 во Скопска Црна Гора, кога Александар Урдаревски – Станко со негова чета нападнале Германска чета и уништиле нивни борбен авион. Зошто не се слави тоа и е направена неправда, која се разбира не прва ниту последна од комунистите?
Зошто има темен период од “неактивности” на Македонците во периодот од Втората Светска војна, а вистината е дека имало големи активности и борби од ВМРО-вски чети, а партизаните скриени во шуми со нивните другарки чекале исход?
Зошто по убиството на Кочо Рацин, со големи генералски титули се закитуваат Светозар Вукмановиќ – Темпо и Данило Капетановиќ?
Има многу прашања и одговори, ама за тоа во друга прилика…
Ова историско место, симбол на непобедивоста и пркосот на Македонецот на смртта, каде со свои животи педесетина македонци од четата на Тодор Христов на возраст од 16 до 18 години, под водство на војводите Стојанов и Смугрев на најдостоинствен начин демонстрираат како се сака и гине за својата земја. Не сме изненадени што јапонските камикази и арапските фанатици до ден денес учат и пребаруваат од турските архиви за херојските подвизи и самоубиства на македонците, ВМРО-вците…
На 12 Август 1903 падна одлука од комитетот, три илјаден аскер да се спречи или сопре, тргнат од Кичево преку Пуста Река да го нападне и начека населението на Крушево при повлекување.
Подготвени во своите ровови, младите македонци со песни и пцости кон аскерот, успеваат да го задржат доволно, за да може жени, деца, вооружени чети од слободното Крушево, да се повлечат од надојдениот петнаесет илјаден аскер од другата страна. Во тој проод, важно стратешко место имала и една женска личност, која заедно со нејзиното момче со последните нивни куршуми се самоубиваат. Холивуд и целиот свет од овој пример можат да учат како се сака земјата и како се љубат на младите македонци. Околу 40 голобради момчиња и една девојка ги дадоа животите, целта се исполни, народот непречено се извлече… Се поставува прашање:
КАКО ТОА ПРООДОТ СЛИВА НИКАДЕ НЕ СЕ СПОМНУВА, СЕ ИГНОРИРА И НЕМА МЕСТО ВО ИСТОРИЈАТА?
До кога комунистите вакви херои и херојски места ќе ги игнорираат и запоставуваат, а нивните измислени херои Мирко и Славко од Карпатите ќе ги заменуваат? Исто така и Илинденскиот период во Костурско, каде Македонија била слободна во тој дел се до 16 Октомври 1903 и никогаш не се предале на Османлиите… Зошто тоа не се кажува и слави? Дали комунистите, кои очигледно на најнечесен начин, откако се дојдени на власт од 1945 година, пишуваат и бришат историја, како ним им одговара?! За пари, за “слава” или од глупост?
СЛАВА ИМ, на овие храбри млади македонци и сите оние кои на сличен начин ги дадоа животите, а никаде не се спомнати.
Комунистите ќе платат за сето ова на тој начин што народот ќе ги игнорира засекогаш нив и нивните “теории и истории” и ќе имаат место само во Грција, а не во нормалниот свет. Затоа, ќе заклучиме дека, кога игнорираат вакви настани и херојски подвизи од пред 100 години, како да очекуваме поддршка од нив за минатото од пред 200, 500, 1.000, 2.500 или 10.000 години? Овие да ти биле, живеј од денес за утре, продај се`, растури колку што можеш и прави си ќеф на душата. А иднината, децата, идните поколенија, Македонија… Тоа не ги интересира.
Е па Господа од опозиција… Ќе “кукате“ уште долго, долго време. Ќе сонувате власт. Доста беше од Вас. ПРЕТЕРАВТЕ!
