Во чест на 24 – мај, Денот на македонските просветители и учители, Св. Кирил и Методиј Австралиско Македонското литературно друштво “Браќа Миладиновци“од Мелбурн одржа Саем на книгата во просториите на библиотеката во Thomastown. Беа изложени голем број на книги од македонски автори и секако од авторите – членови на друштвото. Ова беше одлична иницијатива и чекор напред кон промовирањето на македонскиот збор и писмо меѓу Македонците во дијаспората. Како дел од кампањата “Сакај ја книгата, негувај го јазикот“, Друштвото “Браќа Миладиновци“ развива силна идеја меѓу Македонците во дијаспората и планира голем број активности за деца со кои би го поттикнале интересот за јазикот и меѓу најмладите од македонско потекло. Како пример за тоа беше и настапот на малата Шана Јовановска која ги импресионира присутните со чистото зборување Македонски јазик раскажувајќи занимливсти за Македонија. За малите учесници на овој Саем беа подготвени посебни активности и беа потпомогнати со Верка Георгиевска и Љубица Поповска.
Присутните се потсетија уште еднаш на ликот и делото на Св. Кирил и Методиј, а не изостана ни убавата поезија како излеана од душа. Авторите Виолета Јовановска, Иванка Петровска, Крис Дамос, Крсте Наумовски – Мечкар, Верка Георгиевска, Љубица Поповска, Гордана Димовска, Трајан Цветаноски.
Беше прочитан и дел од новата книга на писателот Нове Младеновски чија книга ќе биде промовирана од Агенцијата за иселеништво на овогодинашната иселеничка конференција.
Беше презентиран и дел од книгата “Железното момче од Македонија – Лерин од Кочо Крушорати.
Честитки до иницијаторите и организатори АМЛД “Браќа Миладиновци“, Мелбурн и успех во понатамошнните активности.
На македонски јазик нашите предци ги напишале најзначајните страници од нашата литература. Тие се значајни извори и документи за нашата цивилизација, историја и култура.
Јазиците се многу важни и потребни за борба против неписменоста, за квалитетно образование, за квалитетен живот на поединецот, за зачувување на знаењата и традициите од нашите предци.
“Во чест на нашите просветители Св Кирил и Методиј, ние го организиравме и денешниот саем на книгата, во нивна чест ja започнуваме нашата мисија, кампањата Сакај ја книгата, негувај го јазикот. Од семето што го посееја, денес го жнееме најубавиот плод, македонскиот јазик, македонската развиена книжевност. Да продложиме по патот на светлината со силна љубов и силна афирмација на македонскиот јазик и писмо, кое ни го дадоја и за кое се жртвуваа нашите претци.Нека ни е честит денот на македонските просветители.”
Гордана Димовска
