Дијаспора

Конкурс за македонски автори од Австралија: раскази и поезија за возрасни и деца до 30 ноември 2026 година

2 минути за читање

НАГРАДЕН КОНКУРС ЗА> Македонското литературно друштво „Григор Прличев“ од Сиднеј распиша традиционален конкурс: ПРЛИЧЕВА НАГРАДА за поезија и проза

Македонското литературно друштво „Григор Прличев“ од Сиднеј го објави традиционалниот годишен литературен конкурс за избор на најдобри прозни и поетски дела од македонските автори кои живеат во Австралија.

Конкурсот е отворен во четири категории:

  • Расказ на годината – возрасни
  • Поетска творба на годината – возрасни
  • Расказ на годината – деца
  • Поетска творба на годината – деца

Услови за учество

  • Темата е слободна.
  • Пожелно е расказите да не надминуваат 800 зборови.
  • Нема да бидат разгледувани претходно објавени или издадени дела.
  • Делата треба да се испраќаат под шифра на е-пошта povod@macedon.com или по пошта во еден примерок, додека авторството се докажува со втор примерок.
  • За секој литературен жанр може да се испратат најмногу пет дела.
  • Делата можат да бидат напишани на македонски или на англиски јазик.
  • Право на учество имаат Македонците кои живеат во Австралија.

Организаторот информира дека ќе бидат доделени по три награди во секоја категорија, во зависност од квалитетот на пристигнатите трудови.

Конкурсот е отворен до 30 ноември 2026 година.

Трудовите треба да се испраќаат на адреса:

Македонско литературно друштво „Григор Прличев“
P.O. Box 227
Rockdale NSW 2216
Australia

Со назнака: „За Прличева награда“

или на електронските адреси:

povod@macedon.com
dushan@macedon.com

Македонското литературно друштво „Григор Прличев“ веќе речиси половина век претставува еден од најзначајните чувари и промотори на македонскиот јазик, литература и култура во Австралија. Зад себе има 47 години промоција на македонската литература, 46 години библиотечна дејност и 41 година издавачка активност, оставајќи значаен белег во културниот живот на македонската дијаспора.

Поврзани теми:

македонска дијаспора|Сиднеј|Прличева награда|Македонско литературно друштво Григор Прличев|литературен конкурс

Повеќе на оваа тема:

Најново од: Дијаспора

Михајло (Мајкл) Пупин – светски научник со македонски корени од Вевчани

Михајло Идворски Пупин бил професор на Универзитетот Колумбија во Њујорк. Тој бил научник кој, во текот на својата експериментална работа, го задолжил светот со своите откритија на полето на безжичната телеграфија и телефонија, како и рендгенологијата, а имал и големи заслуги за развојот на електротехниката. За својата работа Михајло Пупин добил многу научни признанија и […]

На 2 ноември 1984 година – Весникот „Македонија“ во Торонто, македонски збор далеку од татковината

Излегувањето на првиот број на весникот „Македонија“ во Торонто е значаен датум во историјата на македонскиот иселенички печат и во негувањето на јазикот, културата и врските со татковината. На 2 ноември 1984 година, во Торонто, Канада, излегол првиот број на весникот „Македонија“, наменет за Македонците во Канада. Потоа весникот излегувал редовно, секој 15-ти во месецот, […]

ОМД: 85 години од народното востание – Честит 11 Октомври!

Слободата, македонскиот идентитет и единството се завет што ги поврзува Македонците во татковината и во светот. Денес го одбележуваме 11 Октомври – Денот на народното востание, еден од најзначајните датуми во македонската историја. На овој ден во 1941 година започна народното востание против фашистичката окупација. Храбрите синови и ќерки на Македонија ја поведоа борбата, водени […]

Покана за промоција на антологијата „Илинден во нашите срца“ во Скопје

Поезијата на Македонците од Австралија пред домашната публика – на 14 октомври, во 19:30 часот, во Националната и универзитетска библиотека „Св. Климент Охридски“. Агенцијата за иселеништво и Националната и универзитетска библиотека „Св. Климент Охридски“ – Скопје упатуваат покана за промоција на поетската антологија „Илинден во нашите срца“, со песни од членовите на Литературното друштво „Григор […]

Македонците во Њујорк го кренаа знамето среде дожд и невреме за 35 години независност

Можат да се обидуваат да нè избришат. Но, и во еден ваков бурен и мрачен ден… ние сме тука. Над сто Македонци и пријатели на Македонија се собраа во срцето на Њујорк, покажувајќи дека љубовта кон татковината е посилна од дождот и невремето. На 26 септември 2026 година, и покрај дождот и силното невреме што […]

Никола Тесла – светски научник чии пронајдоци ја променија модерната цивилизација

Големиот научник Никола Тесла се почитува и слави и во Хрватска и во Србија и во Соединетите Американски Држави и во целиот свет. Тоа го потврдуваат современите проучувачи на ликот и делото на Никола Тесла, кои го нарекуваат “Човекот што го измислил дваесеттиот век“ и “светецот – заштитник на модерниот електрицитет.“ Никола Тесла беше научник, […]

Вратени 16.952 текста објавувани од 2009 до 2026 година на порталот „Македонска нација“

Зачуван е најголемиот дел од богатата архива на порталот — текстовите повторно се достапни за читателите, а со нови материјали продолжуваме да го збогатуваме македонското историско и културно наследство. Во април 2026 година порталот „Македонска нација“ стана недостапен. Не знаеме со сигурност дали стануваше збор за хакерски напад или за друг проблем. За да продолжиме […]

Браќа и сестри Македонци, каде и да сте!

Оваа порака доаѓа од вашата татковина – од Македонија. Од земја со древна историја, богата култура и дух што никогаш не се откажал. Вашата врска со Македонија е крвна, духовна и семејна. Таа тече низ јазикот што го зборуваме, писмото што го пишуваме, песните што ги пееме и спомените што ги носиме со себе. Тоа е […]
Сите вести од Дијаспора

Најнови вести

To top