ОКМ – (Ослободителниот комитет на Македонија) беше формиран во 1963 година. Подоцна се трансформираше во ДОМ – (Движење за Обединување на Македонија), а во 1972 година и во ДООМ – (Движење за Ослободување и Обединување на Македонија) со свое списание „Македонска нација“.
Во 2009 година списанието се трансформираше во порталот „Македонска нација“ www.mn.mk
ДООМ и списанието „Македонска нација“ беа и се национална совест – глас преку кој прогонетите и обесправени Македонци од сите делови на разделена Македонија добија можност да сведочат и да ја кажат вистината. „Македонска нација“ беше симбол дека и далеку од родната земја, Македонецот може да се бори за нејзината слобода и достоинство.
Во време кога комунистичка Југославија го задушуваше македонското прашање, ДООМ преку списанието „Македонска нација“ зборуваше гласно и без страв.
ДООМ беше исто така идеолошкиот мост во 1990 година, кога се основаше ВМРО-ДПМНЕ. Драган Богдановски беше идеологот на ДООМ, а подоцна и на ВМРО-ДПМНЕ. Без ДООМ немаше да има ВМРО-ДПМНЕ. Тоа мора да се каже, тоа мора да се знае и никогаш не смее да се заборави.
Денес повторно се соочуваме со нови облици на старите страдања – негирање на македонскиот идентитет, бришење на историјата и асимилација под маската на „европски вредности“. Затоа духот на ДООМ денес ни е потребен повеќе од кога било.
Да ги чуваме и славиме ДООМ и порталот „Македонска нација“ како симбол на непокор, слобода и национално единство. Ние сме народ што не заборава. Македонија е аманет и завет што се пренесува од поколение на поколение. А во тој завет е запишано и името на ДООМ – како национална светлина, симбол на вистината, непокорот и обединетоста.
Денес порталот „Македонска Нација“ го продолжува тоа наследство. Како современ електронски гласник на македонската идеја, тој останува верен на идеалите на ДООМ.
Преку објавување историски вистини, анализи и сведоштва, „Македонска Нација“ ја чува меморијата на македонската борба, ја разобличува историската неправда и фалсификати.
Порталот „Македонска нација“ е широка национална трибина, отворена за секој Македонец и Македонка што сака да работи за доброто и иднината на Македонија.
Ние, Македонците, имаме должност да сведочиме, да потсетуваме и да пренесуваме. Да не дозволиме страниците на нашата историја да бидат избришани или фалсификувани.
Гоце Делчлев ќе каже: „Дали може да има друго место за еден Македонец, освен Македонија? Дали има народ понесреќен од македонскиот? И дали има некаде пошироко поле за работа, отколку во Македонија?.
Македонија е АМАНЕТ и ЗАВЕТ!
Испраќајте историски текстови, анализи, колумни, обичаи од минатото и сведоштва, а ние ќе ги објавуваме и споделуваме со пошироката јавност.
Ете затоа повторно постои „Македонска нација“: www.mn.mk
Нашата e-mail адреса: Makedonskanacija@gmail.com
