Знаејќи ја реалноста во која сме соочени со бесмислената негација на нашето народоносно име, знаеме и дека безуспешно се обидуваат да му пронајдат и потвдрат т.н. грчки корен.
Од аспект на нашиот народен говор, да ги согледаме и анализираме нивните т.н.хеленско или ти грчко име.
Служејќи се со индиректниот метод на споредбена анализа што се заснива на споредба преку реконструкција – кога се поаѓа од современата состојба на постоењето зборови и нивни можни значења, при што започнувајќи од домашната средина преминуваме кон споредба и со другите говорни средини, кои се туѓи на нашите.
На таквата реконструкција и ја даваме релацијата на регресија или ти случајот кога од современата состојба се враќаме на назад.
Етимолошката анализа споредува сличности и разлики на кои што наидуваме поради изнаоѓање и на самото потекло на зборот.
Значи во фокусот на ова анализирање го имаме поимот Хелени и Грција.
Зошто македонски и дали е тоа возможно, сега во време кога тие бараат ние да се одречеме од името наше македонско?
Да ја погледнеме сокриената историја на зборовите или да прочитаме историски урок таму каде што не се имало место за никакви национал- романтичарски фалсификати, карактеристични за крајот на 19 век.
Хелени и Грциja изедначување на термините
Околу потеклото и можното значење на зборовите Хелени, Елада и Грци, Грција постојат најразлични теории. Теоријата на Валентин Стецјуг за околу оваа проблематика пишува :
-“..Потеклото на името “Грција’’, Грци’’е енигматично.
Генерално, националното име со кои меѓусебе се идентификуваат Грците е “Хелени’’, кое што нема никаква звучна поврзаност со зборот “Грци’’.
Грчките племиња користеле бројни племенски називи. Дорци, Ахајци, Јонци, Тирејци.. и останати. Основното турско наименување за Грција е Јананистан, (Yananistan),а за Грците е Јананли (Yananli ). Всушност Јанан (Yanan) е дијалектички изговор за Јонија (Ionia). Веројатно е јасен фактот, дека потеклото на името Јанан се датира во времињата кога преовладувале грчките племиња , уште и пред ширењето на Александар Велики.
Според грчките извори токму Аристотел (384-322) во неговата “Метеорологика’’ I, xiv, или 352b бил првиот што го искористил зборот “Граикхос’ (“Graikhos’’), како синоним за Хелените. Аристотел запишал дека оригинално Илирите, биле тие што го користеле името Граикхос (Graikhos) за да со него ги означат Дорците во Епир.
А тоа потекнувало од Граии (Graii) што било природно име за луѓето од Епир, кои што се наоѓале во северно-западниот дел од Грција, на Јонското Море и западно од Тесалија.
Современите научници, се разбира, со недоверба ја дочекале ваквата изјава, бидејќи широката распространетост на ваквото народно име за меѓусебна идентификација, помеѓу комплетно неповрзани јазици, тешко дека потекнува од само еден центар. Од друга страна, ваквиот класичен доказ, можеби потврдува дека ова национално име, што се употребува за меѓусебна идентификација доаѓа од страна на балканското население, кое што своевремено ги имало и границите на Скитија во Македонија. Би било природно за Скитите да ги користат и двата термини како на пр.називите Јанан (Yanan) и Креш ( Kresh) само за нивните Јонски соседи, а називот Хелени за сите останати заедно.
Современата теорија на германскиот историчар Џорџ Бусолт (Georg Busolt ) 1850-1920 ,зборот Грци го изведува од зборот “Граикхос ’’( Graikhos )”со значењето жител на “Граиа’’ (Graia ),град на брегот на Беотија од зборот“граов-сив ’’(“gray”),кој се наоѓал во централниот дел на античка Грција ,во околината на градот Теба,што било име дадено од Римјаните и се однесувало за сите Грци, а најпрво за грчките колонисти од “Граија’’(Graia) кои што помогнале во основањето на градот Кума (Cumae) (9 век пред Христа), важен град на југот на Италија, каде што Латините за прв пат се сретнале со Грците. Во согласност со оваа теорија, во генерална смисла, името би било за прв пат повторно позајмено од Грците. Имајќи во предвид дека Грците веќе го имале колонизирано Апенинскиот Полуостров и тоа неколку векови пред 9 век од пред Христа,како и фактот дека Грците многу отпорано го шират своето присуство во Медитеранот, како и забележаното од Аристотел во 4 век пред Христа, оваа теорија и дава преголема важност и тежина на 9 век пред Христа и за пред Римјанските Латини во раширувањето на овој термин и за Грците кои што би го усвоиле овој термин како свое народно име од своите, во свое време не толку значајни соседи, дури и да се преправаат дека таквото нешто би било одраз на вистинска етимологија за нивното име…’’
Најнапред да ги согледаме тврдењата на грчките извори кои известуваат за Аристотел и неговата “Метеорологика’’ I, xiv, каде го употребил зборот “Граикхос’ (“Graikhos’’), како синоним за Хелените., посочувајќи ги Илирите како први кои го употребувале овој збор, за да со него ги означат Дорците во Епир.
А тоа потекнувало од Граии (Graii) што било природно име за луѓето од Епир, кои што се наоѓале во северно-западниот дел од Грција, на Јонското Море и западно од Тесалија.
Овие тврдења да ги споредиме со етничката припадност на жителите на Епир низ историјата.
Најнапред да видиме кои биле Дорците и дали тие или било кои други грчки племиња живееле во Епир?
