РЕДАКТОРИТЕ НА  “МАКЕДОНИЈА”: ТРЕБА ДА ЗНАЕМЕ ЗА ШТО ЌЕ СЕ БОРИМЕ, ИЛИ ЗА ПРИСОЕДИНУВАЊЕ КОН КНЕЖЕВСТВОТО ШТО ЈА ЗАГРОЗУВА ЦЕЛОСТА НА МАКЕДОНИЈА ИЛИ ЗА САМОСТОЈНОСТА НА МАКЕДОНИЈА, ЗА ЦЕЛОСТА НА НАШАТА ТАТКОВИНА

“Во минатиот број ние се запревме повеќе врз чиновниците - “патриоти” што не знаеме по каква логика се сметаат за претставници (!) на македон(ското) прашање; рековме и некој горчлив збор што можеби не им звучи добро на нивното “истенчено” и “патриотско” уво. Но може ли поинаку да биде? Мислат ли тие некогашни Македонци дека нивните бивши сотат-ковинци и потомството ќе ја заборават таа црна дамка што се фрли поради нив врз лицето на сите Македонци, благодарејќи на кокошкиниот ум на бугарските таканаречени журналисти што, со целата своја генијалност и со меракот да разговараат на уличен јазик, карактеристика само за бугарската журналистика, расејаа меѓу публиката таква лесно приемлива храна, за кое веруваме дека ќе се каат, а ние нема да спечалиме многу? ...Да, само фантазерските и жолчните редактори на „Свобода” користејќи ги постапките на сомнителните Македеонци-чиновници-”патриоти” можеа да ги создадат фразите...”ќе ми дадеш пари - ќе се чинам Бугарин” и др. и други мудрувања со кои Македонецот е понижен дотаму што пред очите на слободните “браќа” стои како пред нас Циганот!...

...Ако ние уште сега не се фатиме со тој страшен суд, кога ќе се реши и судбината на нашата Татковина. Треба значи да си изработиме едно мислење, да усвоиме една програма за сегашните и идните акции, програма што ќе ја сокриеме од сите за да не заприлегаме на јунаците од басната „Орел, Рак и Штука”; треба што поскоро да знаеме што ќе бараме и за што ќе се бориме: или за присоединувањето кон Кнежевството како што се правеше до сега, коешто ја загрозува целоста на Македонија, или пак очај-нички да се бориме за самостојноста на Македонија за  ц е л о с т а на нашата Татковина”.

“Македонија”,III,9, 11.III.1891, стр.1;