Македонската парламентарна група била легален парламентарен претставник на Внатрешната Македонска Револуционерна Организација во Бугарското собрание, во периодот помеѓу 1924 до 1934 година.

Пратениците биле избрани со помош на ВМРО и се оформиле како посебна парламентарна група и станале политички субјект во законодавната власт. Групата стриктно добивала упатствата од организацијата.

На виенските разговори помеѓу ВМРО и претставниците на Коминтерната бил донесен и четвртиот завршен документ на виенските разговори - Декларација на македонската парламентарна група.

Во декларацијата било истакнато дека:
македонските парламантарци во бугарското Народно собрание и откажуваат секаква поддршка на владата на Цанков, престануваат да бидат одделни народни пратеници и образуваат самостојна Македонска парламентарн група, која констатира дека денешната бугарска влада (на Цанков б.н) се експонира како непријател на македонскиот народ и на неговата ослободителна кауза

Декларацијата која била во духот на Мајскиот Манифест, македонските пратеници требало да ја потпишат во Бугарското народно собрание и да ги претставуваат интересите на единственото македонско револуционерно движење, кое било предвидено да се формира. Меѓутоа по откажувањето на Тодор Александров од виенските разговори и потпишаните документи, а особено по неговата смрт, Македонската парламентарна група во Бугарското народно собрание ги застапувало интерсите на ВМРО (Автономистичка), а по расцепот на Организацијата на Михајловистите.

Основната политичка линија на Македонската парламентарна група во XXI ОНС и XXII ОНС е спротивставување на подобрувањето на односите помеѓу Бугарија од една страна и Кралството Југославија и Кралството Грција од друга. Пратениците се родени во трите партиции на Пиринска Македонија и се избрани помеѓу 1924 и 1931 година главно преку општограѓански листи.

Пратеници на групата

Иван Каранџулов
Георги Кулишев 
Димитар Жостов 
Иван Ингилизов 
Владимир Руменов 
Васил Поп Димитров 
Петар Кушев
Панчо Тошев

Извори

1. Следно ↑ Тюлеков, Димитър. Обречено родолюбие. ВМРО в Пиринско 1919-1934, III. Освободителното движение на македонските българи в Петрички окръг (1928-1934), 1. Македонската парламентарна група – легално проявление на ВМРО в Третото българско царство.
2. Следно ↑ Иван Катарџиев, По врвците на македонската историја, Култура, Скопје, 1986
3. Следно ↑ 3Обречено родолюбие. ВМРО в Пиринско 1919-1934 - Димитър Тюлеков