Евстати Чаловски е македонски револуционер, деец на ВMOPO.

Роден е 1885-та година, во мијачката паланка Галичник, Западна Македонија. Син е на Аврам Чаловски, производител на Кондиторски производи и еден од најуспешните и најпознати индустријалци од македонско етничко потекло во Бугарија во 19. век.

Родот Чаловски и ден денешен има впечатлива улога во македонскиот општествен живот: македонскиот поет Тодор Чаловски, Лилјана Чаловска – писателка, учесничка во НОБ и член на АСНОМ, Јане Чаловски – ликовен уметник и други…

Револуционерната дејност на Евстати започнува кога тој влегува во четата на Максим Ненов, но, откако истата е разбиена на 29 мај 1903 година пребегнува во Бугарија и влегува во врховистичката чета на Сотир Атанасов, со којашто учествува во Илинденското востание во 1903 година., која по неколку битки со турскиот аскер, се распрснува на повеќе страни. Тогаш Евстати Чаловски станува четник при Мише Развигоров.
Пролетта 1904 година влегува одново во Македонија со дебарско-охридските чети на Цветко Христов и Иван Пендаровски, а потоа е четник во реканската чета на Павел Караасанов, за коешто објавува и кратки спомени во списанието „Илустрација Илинден“, подоцна во 1939 година. Подоцна се населува во Бугарија и се занимава со трговија.

При избувнувањето на Првата балканска војна во 1912 година Чаловски се пријавува како доброволец во Македоно-одринското ополчение, заедно со неговиот брат Манол Чаловски, во Првата дебарска дружина. Во Втората балканска војна е ранет два пати, на 18., и веднаш потоа - на 20 јуни 1913 година. Носител е на орден „За храброст“ ІV степен.
Умира на 4 август 1943 година во Софија.

Извори:

„Македоно-одринското опълчение 1912-1913 г. Личен състав“, Главна управа на архивите, стр. 795, 2006 г.;
Илустрација Илинден, бр.109, стр. 3-5, 1939 г. ; бр. 149, стр. 14, 1943 г.