Македонска нација
Секој човек сам за себе, со своја мисла и со свое убедување. Но, вообичаено, многумина стануваат едно, кога ги обединува една моќна идеја, една моќна реалност.
Секој од нас за нашата Македонија прави или направил онолку колку што можел да сработи. Некој не направил ништо иако можел, но овој последниов се задолжил себеси да го знае и да го почитува она што го прават другите. За жал има и такви кои само оговараат и плукаат по сите и ништо не прават, бидејќи ниту со мислите тие не и помагаат на нашата заедничка реалност, туку попрво и одмагаат. За жал има и многу демагози.
Вакви демагози, Господ ни дал и во Македонија, но и надвор од неа, во дијаспората. Најпрво, таквите како нив плукаат по сè и по сите кои нешто позитивно правеле или сеуште прават за Македонија.
Имајќи веројатно такви мисли во нивните глави, почнуваат да плукаат и се чудат како некој кој постоел и работел за Македонија, бил и сè уште е со истата мисла и идеал. Заради овие нешта, не можеле да сфатат и разберат зошто и како некој бил и останал на истата линија цело време, зошто не се сменил, на пример, како тие што се менуваат во зависност од нивните лични потреби?.
Сепак најважно од се е доколку не се поднесуваме меѓу себе или имаме различни политички, леви или десни погледи, заради различни идеали или идеологии, едно треба и мора да не обединува, а не да разединува: не смееме да плукаме еден во друг, затоа што тоа не е од интерес за Македонија, за која сите постоиме и работиме, нели?
Секој од нас за нашата Македонија направил онолку колку што можел да сработи. Ако немаме доблест да ги почитуваме заслугите на поединци или групи, мизерно е да ги оцрнуваме, тоа не е од корист за Македонија, за државава за која се удираме во гради.
Вечна да е Македонија!
АМИН!
