Свекрва
Од 30 ноември до 1 декември, под председателство на Македонија, во Скопје се одржа 30-ти Министерски совет на Организацијата за безбедност и соработка во Европа (ОБСЕ). На состанокот учествуваа 74 делегации со околу 1000 учесници од 57 земји. На овој најголем политички-дипломатски настан што некогаш се случил во државата, меѓу другите високи политичари, дојдоа и првите дипломати на САД и Руската Федерација, Ентони Блинкен и Сергеј Лавров. По руската агресија врз Украина, тоа беше редок настан, двајцата да се појават на исто место. Но, по низа игри кои предизвикаа каснење на доаѓањето на руската делегација, двајцата се разминаа и не разговараа за да се најде решение за конфликтот во Украина.
Со цел организирање, раководење и кординирање на мерките и активностите за безбедно и непречено одржување на 30-ти Министерски совет на ОБСЕ беше формиран Штаб „ОБСЕ 2023“. Според изјавите на македонските безбедносни структури во тоа време не можело ни пиле да прелетта. Односно, дека „службите ги презеле сите потребни мерки и активности“ и дека „состојбата е редовна“.
Сепак една група под раковоство на Љупчо Палевски Палчо која на социјалните мрежи говори против ВМРО ДПМНЕ и шири антизападна и проруска политика, била оставена без контрола. Тоа било доволно, групата предводена од Палчо да ги изврши двете грозоморни убиства пред почетокот на состанокот на ОБСЕ.
На 22 ноември бил грабнат Панче Жежоски и земено неговото старо возило „Цитроен“, а на 27-ми со истото возило била грабната 14 – годишната Вања Ѓорчевска. Иако и двајцата биле убиени, досега никој не поднел оставка, за пропустите при истрагата. Се смета дека доколку навреме била распишана централна објава за возилото, можело преку Системот Сејф Сити да се детектира возилото кое како пто тврдат од опозицијата три дена било во Скопје, да се откриат убијците на Панче и да се спречи убиството на малата Вања.
Исчезнувањето на Панче и возилото, како што пренесуваат медиумите било пријавено веднаш. Зошто безбедносните служби во ситуација кога поради Министерскиот совет на ОБСЕ ја имаат кренато безбедноста на највисоко ниво, не реагираат веднаш е неразбирливо. Неразбирлив е и мотивот со кој се објаснуваат двете убиства, па во недостаток на одговори од надлежните во јавноста се шират низа претпоставки и прашања.
На пример, се поставува прашањето што ако Вања и Панче се колатерална штета и што ако групата на Палчо која пропагирала антизапдна и проруска политика, планирала да го искористи возилото на пример за да изврши атентат врз некоја личност од високите преставници приусутни на состанокот на ОБСЕ. Какви би биле тогаш последиците по земјата?
Да се потсетиме на атентатот на претседателот Киро Глигоров од пред 28 години. Нападот бил извршен со автомобил-бомба на 3 октомври 1995 година во 9:50 часот пред хотелот „Бристол“ на улицата „Македонија“, кога претседателот Глигоров со службено возило се движел од неговата резиденција до работното место во Собранието на Република Македонија. Бомбата била поставена во автомобил „АМИ 8“ и активирана со далечински. Претседателот беше тешко ранет, никој од тошашната власт предводена од СДСДМ не поднесе оставка, а напаѓачот никогаш не е пронајден.
За да нема шпекулации денес, потребни се одговори, но и оставка од морални шричини поради пропустите во истрагата. Инаку, јавноста незаборава, а ќе дојде време кога секој ќе ја плати цената на своето однесување.
