Свекрва
Богданка Кузеска, портпаролка на СДС, оценува дека Македонија се наоѓала пред многу важен момент за нејзината иднина и дека не смеела да остане настрана.
Според неа, „најголемата цена ќе ја платат младите“. Таа додава дека младите ќе продолжеле да ја напуштаат државата, а Македонија ќе останела заглавена во изолација, без перспектива.
Кузеска тврди дека младите биле разочарани, дека немале време за губење и дека не верувале на зборови, туку барале дела и промена на системот.
Најверојатно, СДС под „промена на системот“ мисли повторно враќање на власт, за да продолжи истата негрижа за младите и за државата.
СДС денес глуми загриженост за младите, но граѓаните добро паметат што се случуваше за време на нивното владеење. Токму тогаш илјадници млади луѓе ја напуштаа Македонија, секојдневно, во полни автобуси, најчесто во еден правец – без намера да се вратат.
Затоа, смешно и цинично е денес СДС да зборува за грижа за младите.
Од каде одеднаш таква загриженост, кога додека беа на власт не создадоа услови младите да останат, да работат, да напредуваат и да ја градат својата иднина дома?
СДС сега се обидува да прикаже дека младите ќе ја плателе најголемата цена, дека ќе продолжеле да ја напуштаат државата, а Македонија ќе останела без перспектива, со ниски плати и низок животен стандард.
Но, токму таквата слика беше резултат на нивните политики, нивната неспособност и нивното отсуство на вистинска грижа за младите генерации и за иднината на државата.
СДС имаше можност да покаже грижа кога беше на власт кога младите масовно заминуваа од државава, најверојатно тогаш во СДС немаа време за младите, беа зафатени со местење тендери и обезличување на Македонија.
Затоа денешната нивна „загриженост“ не звучи искрено, туку како уште еден обид за политичко лицемерие.