Превземено од ФБ статусот на Бурак Кечаи
Поддршка и повик до премиерот Христијан Мицкоски за конечно расчистување со правосудниот хаос
Во држава во која правдата со години се доживува како привилегија, а не како право, дојде време за да се смени. Граѓаните на Македонија предолго живеат со чувство дека законите за едни важат, за други не важат.
Правосудниот систем, наместо гаранција на правдата, многу често се претвора во алатка на моќта. Тоа мора да заврши. Затоа денес, повеќе од кога било, е потребна јасна политичка волја, храброст и решителност.
Ова е повик, но и отворена поддршка до премиерот Христијан Мицкоски, да го направи она што со години беше избегнувано: да расчисти со неправдите во правосудството.
Не станува збор за реваншизам, станува збор за враќање на довербата и воспоставување ред.
Граѓаните бараат систем кој функционира, бараат институции кои не се плашат, судии и обвинители кои судат по закон, а не по наредба.
Да се отворат сите случаи, да се прекинат сите врски помеѓу политиката и правосудството, и најважно, да се покаже дека никој не е над законот.
Премиере Мицкоски, ова не е само политичка обврска, ова е одговорност. Ако успеете ќе ја вратите надежта, ако не, ќе продолжи разочарувањето кој со години ја држи државата во место.
Затоа, сега е време за одлуки што ќе ја дефинираат иднината на сите граѓани во Македонија без разлика на вера, нација или партиска определба.