Српскиот писател и хроничар Mapтин Сегон во 1480 г. ги опишува етногеографските граници на Македонците во 15. Век:
„ Македонците се народ сроден со Србите (…кои претпочитаат мирен начин на живот, за разлика од Власите планинци – див и борбен народ)… Рашка (Србија) на југ се протега до тромеѓето меѓу Дарданците, Трибалите и Македонците.
Скопје се наоѓа на границата меѓу Дарданија и Македонија, и низ градот тече реката Вардар…
Мостот на р. Струма во близина на планината Жеглигово [*1], долината кај с. Конопница и Велбужд (Ќустендил), ги дели Македонците од Трибалите или Бугарите. …Реката Дрим извира од езерото близу Охрид, градот на Македонците, и истата ги дели од дебраните (кои се нарекувани Дарданци)
. …Планинскиот масив Орбел [*2] ја одвојува Македонија од Епир, Тесалија, Волос, Акарнанија, Етолија, Беотија и Атос, а од другата страна ги дели Македонците и племето Беси од Трибалите, Скордисците и Траките, и завршува кај морето [*3]… Границата на Епиp е кај пл. Пинд [*4]
…Струма претставува граница меѓу Траките и Македонците.
…Грчките населби се наоѓаат во и околу Солунскиот Залив, јужно од Солун – славниот град на Македонците.“
Mapтин Сегон (од Котор, денешна Црна Гора) е католички бискуп на Улцин, што живеел во 15. век.
Тој во 1480 г. напишал извештај за состојбите на Балканот (завладеан од Турците), и во него воглавно се говори за географијата и патиштата, но, меѓу другото, ги опишува и народите на полуостровот.
БЕЛЕШКИ:
[*1] Се мисли на Осоговските Планини, Жеглигово во средниот век бил нарекуван кyмановско-кривопаланечкиот крај ;
[*2] Тука авторот ја има предвид планинската верига Динариди, на запад и на југ од Македонија (oд Скопска Црна Гора и Бистра до Олимп, а на север се протега, покрај Далматинското крајбрежје, сè до Јулиските Алпи), на којашто ги надоврзува Осоговските Пл. и Пирин, на североисток и исток во Македонија ;
[*3] Eгејското Море ;
[*4] Границата на Епир со Македонија и Тесалија.
Извор:
A. Petrusi, Martino Segono di Novo Brdo, vescovo di Dulcigno, un umanista serbo-dalmata di tardo Quatrocento, Roma 1981.
http://www.montenegrina.net/pages/pages1/istorija/crnojevici/o_balkanskim_krajevima_i_narodima.htm
